1/10 - 3/10 長洲慈幼靜修營

3/10/2006 (二)

8：30am 起左身喇
食過早餐之後，又去左石灘做默想福音故事
馬可福音5：25-34 【醫患血漏的女人】
但因為太晒既問題，我做唔到呀
於是我決定返房做默想

記起上次 Elsa 同我做呢個故事既默想時
我係喺耶穌面前喊得好勁

其實個故事我好熟
所以好快入到情景
我見到自己喺人群
當時我想行出去叫耶穌
但我冇勇氣
反而比耶穌見到我
佢伸手出黎叫我行去佢面前
實我唔夠膽
但最終我都行左出去
神問我：「你既信心、勇氣同力量去晒邊度？」
我話：「我都唔知道。」
耶穌冇再回答我問題，佢只叫我投向佢懷抱中，佢要抱緊我！
之後耶穌細細聲同我講：「你既力量、信心都喺我度」
我心諗：「我知丫！」
接住耶穌同我講：「你要尋找我，你一定尋得見。」
此時，我完全既相信佢係咩都知，包括我同人既分享、我心裡既想法 … … 佢真係冇所不知！
我喺耶穌面前立志，我應承佢離開呢3日2夜之後，我一定會抽時間尋找祂！
離開耶穌時，我見到他的臉上充滿著對我有好大既信心

11：45am
分享默想福音故事既領受
食 Lunch 、還房、閃人！
我自己一個搭 1：45pm 快船離開長洲