上帝聽禱告
(人說)
誰了解此時我心 正淚流像火燙！從我心 燒如炭火，又像冰將我封鎖！黑髮一夜白頭，我往絕望路走，神啊，可否聽聽我禱？
(人說)
問你可聽到 我在傾訴？今我無話問蒼天；我看前路極灰暗，試問誰為我指引？我軟弱 可知道？我問誰 可改變？若你真的為我犧牲，你定必會 聽我禱告。
(天使說)
神了解 此時你心，眼淚從未輕看。從最初 一如最初，從來不變不改！心裏不用懷疑，冀盼未盡未熄，神會聽聲聲的嘆息！
(天使說)上帝聽禱告，(人說)我在禱告，(天使說)因祂愛永不止息。(人說)我看前路極灰暗。(天使說)就讓神為你指引。(人說)我軟弱，(天使說)祂擁抱！(人說)我未能，(天使說)祂可以！(天使說)上帝應許讓你艱辛最後跨過，(人同說)今我禱告。(天使同說)聽你禱告。
(合)上帝聽禱告，告別苦惱，(人說)今我無言地感激。(天使說)祂看靈魂極寶貴。(人說)聽侯神為你指引。(天使說)縱軟弱，(人說)祂擁抱！(天使說)靠著神，(人說)總跨勝！(合)上帝恩典藉教一生也願宣告！祂聽禱告。
工作後．．．期待假期中
忙碌的工作衝到盡的我這兩天回到家中我已經很攰、很早已睡著了真的有點兒感受到什麼叫疲累直至今天下午三時多我已經將假期前手頭上的工作完成了真係好開心一想到之後連續放幾日假期咩都開心番啦又有好節目哈哈～Ｐ. Ｓ：希望呢個假期放得開心愉快啦 ~
得番我一個
我家姐今日十二點幾機飛去加拿大 lu ~31號晚先返到香港到時又要接佢慘！！
哈哈 ~ ！
第一次準區牧會議
知道黎梗繼續要加把勁努力！！還有好多方面既事要學習
我相信學習，是沒有完結的睇到我、Mon、Tobi 都各有不同既性格神將我哋放埋一齊讓我哋可以互補不足既地方支體要互相鼓勵及提醒是好的自問我可以做到支持同鼓勵但講到提醒，我就好似做唔到．．．
今天的我
今日比尋日既身體狀況好似好好多
我照常返工
公司好多帶菌者
我好驚會被佢哋傳染到
下午過後 . . . . . .
又回復昨天既我
間中又有頭暈同想嘔既感覺
點解我會咁架！？
我會唔會暈左喺條街度冇人知呢？？
我好驚呀 ~
唔係太掂 . . .
起身之後 . . . . . .下午整野食時唔小心比滾水(錄)到手指Suki 仲咩事？？食完野之後好想嘔又勁頭暈！搞到成個人完全係唔郁得郁一郁就好辛苦我好辛苦呀 ~ ***** ***** ***** ***** *****夜晚睇無線劇集 〝 一公升眼淚 〞我第一次睇咋 ~ 一邊睇，一邊好似有啲野咁 . . . . . .結果 . . . 原來係令我諗起我自己既病雖然同劇中既病超唔同但都比套劇集勾起我某些悲觀既諗法突然間，樂觀既 Suki 去左邊度呢 ？？
2007E 靠祢小組目標
21/10/2006 (星期六)原定今日小組既內容唔係為07年設立目標架但見大家傾得咁開心所以我冇阻止到等大家一齊為小組發夢第一件開心事Fio → 為自己訂立07年3月成為組長，yeah~ ( 準組長 ~ )第二件開心事Janny → 她決定穩定返小組及委身教會，亦協助及支持 Fio 登上組長之位！！第三件開心事我、Fio、Janny 三個都有共同既小組目標及異象，一齊互相鼓勵及守望！喺黎梗既 11、12 月，E 靠祢 將會係重整期我哋各人都會為小組付出唔同既野請大家多多為此事代禱萬分感激！E靠祢成員，加油呀！！【若有主的力，不要教、不要話，你都會做！！】
記性 . . . . . . 走左！
今天下午之前，我完全忘記了 6：00pm 約左人見Suki 仲咩咁大頭蝦？？好彩見到神既大能啫 ~ 多謝爸爸！(>3<)
十三的生日派對
18/10/2006 (星期三)
材料好簡單：
人幾位 . . . . . . . 共6個
分別有：大佬 Ivan 、屋主 Elsa 、姊妹 Hon + Timmy 、瘋癲 Suki
最重要梗係唔少得主角壽星仔 十三 啦 ~
食物 . . . . . . . 幾種
分別是：烏冬、雞亦、菜、水餃
飲品 . . . . . . . 少量分別是：菊花茶、檸檬茶、少量酒精飲品蛋糕 . . . . . . 一個Tiramisu ~ 
心意 . . . . . . 成千上萬
最緊要係 . . . . . . 〝主角壽星仔開心！！〞
同十三過渡埋踏入19號既 12：00am
一日既事咁就完喇 ~
大家都好開心 ~ ！
〝寶貝計劃〞
17/10/2006 (星期二)收工去左睇〝寶貝計劃〞
好好笑呀 ~ 哈哈哈 ~
個 BABY 好得意呀 ~
越黎越鍾意啲 BABY 忝！
套戲有笑位、有感動位 ．．．
好正！唔駛由頭笑到尾
仲要睇埋佢啲蝦碌鏡頭
真係笑到散場都未笑完 ~
哈 ~ 哈 ~ 哈 ~
我係咪冇介紹錯呢？！其實有時兩個人相處都幾開心丫！！多謝你送比我份禮物呀 ~ 估唔到你會送呢樣野比我我鍾意呀 ~ 多謝你呀！(^.^)
分享今早的一切一切
今天早上發生了許多事情，好老土，有很多無法估計的事情，但有部份的處理方法，都好令人失望，激氣．．．
第一單野： 我與Ling忙緊報名，請Milk幫忙，我有與他說明是什麼事情，但他沒有理會，之後我跟左單野
唔開心係Milk沒有野跟緊，又沒有主動招呼，與他說明是什麼事，但又不理會
第二單野： Milk沒有看清楚開錯了收據，是沙田家庭學院，我叫他通知家長及取回收據，他發脾四，我與Ling將報名方法更改為清楚知道是沙田家庭學院活動
唔開心係Milk自己做錯野，仲要怪在我們身上
第三單野： 婚姻以外活動是20/10，報名人數只得2位（已付款）及1位（未付款）後備，Katy今早見人中，我去去問Jackie意見，Jackie說Katy沒有交底，叫佢照黎啦！（就是第一單野的事情）
唔開心係Jackie跟本沒有考慮過實際情況，莽下判斷，個後備參加者是住在石硤尾的，現在活動取消啦！多難看呢
第四單野： 在報名香港日常英語班的過程中，發現有同事開了IFSC收據，看清楚是Jackie及Milk分別開出兩張收據，但之前已通知開臨時收據，接著我叫Jackie跟番，Ling在膠File上寫明了一切，希望唔會再錯落去啦
唔開心係，之前已說明了，但都會攪錯，跟本就冇留心聽書
家姐送的生日禮物
11/10/2006 (星期三)今日本應收5：00pm因為我想做埋啲野先收工既原故所以我做到8：15pm先離開公司之後出左旺角同家姐行街 + 食飯我睇中左個袋呀 ~家姐話唔值嗰個價喎 ~但我好鍾意呀 ~ (>.<")我掙扎左好耐，又記起好友對我講過的說話搞到我唔知買唔買好我真係好想買呀 ~ 結果 ... ... 我都係冇買到！(=_=")幫部電話換新裝Yeah ~ 有新電話用！！哈哈 ~ 好靚呀，我好鍾意呀！多謝家姐！！(>3<)
今晚靈修時，神讓我看見這段文章
心可痛，腹可枯，迷路的小羊不可不看顧。舊的傷痕尚未癒，新的傷痕又來了。怎敢不鼓勇前進！走這條道路的，誰都知道艱難崎嶇，但是沿途已滿了先聖的足跡印著血和淚。感謝主，藉著一線光明的信心，已足使我按步前行。當我一路睇，一路讀時，我腦海不段出現 Fio我哋每個人都好擔心此時此刻，我們要同心的依靠神！容讓神的介入吧！！沒有任何事比神更清楚！！
8/10/2006 (日) 生日當日
下午同家姐、表妹去唱K唱到5：45pm 同佢哋行左陣旺角大約6：30pm 我就離開佢哋返左粉嶺祥發居打邊爐有 Elsa、Ivan、十三、Hon 一齊打好似成晚主要既話題都係圍繞住我點解會咁架！！確實離不開伴侶的問題好多謝 Ivan 大佬熱心的幫助我知你都想我有個好男朋友既多謝十三幫我解圍當中亦知道左某人的秘密我都同意，因為我都覺得有啲係！！好開心既一晚，咁就完結左我生日既一日喇！
7/10/2006 (六) 生日前夕
瞓到 10：00am 起身
原本約左肥 sum 門訓
但臨時要取消
之後我 4：00pm 返教會開組
多謝 fio 個蛋糕
好得意呀 ~
唔捨得食忝 ~
生日會過後就各自開組好好的一個靈修分享
完左小組去左食德
跟住返晚堂
完左崇拜之後出發去流水響BBQ
我諗都有 30 - 40人
我比人點左做組長！！
好開心，有班好好既組員
之進、 Jacky、肥Sum、Elsa ... ... 不能盡錄
我哋有三個 Game
第一個係心臟病， Yeah ~ 第二名！！勁呀 ~玩完一個 Game 之後要起爐燒梗野食途中，收到子詠既 sms佢提醒左我過左十二點喇哈哈 ~ 多謝晒！！之後陸續收到好多朋友的祝賀多謝晒！！食到七七八八既時候就開始玩第二個 Game lu ~第二個係要我哋抽一樣野跟住諗個廣告去 promote 呢個 product我個組係抽到〝剃刀〞我哋改左個廣告個名係〝粉神牌 多用途剃刀〞我哋揾左之進扮〝剃刀〞其餘既組員就扮毛同蘿蔔唔知邊個講〝Jacky確實係一條肥毛〞諗起就好笑 ~ 仲有之進精彩既演出結果我哋 ... ... 喺呢個 Game 攞到第一名呀~ Yeah ~ 第三個係猜謎語我哋既策略做得好好但 ... ... 輸左！！玩完三個 Game 之後執野要走既走；要留既留！多謝瑋鍵保我！！之後留底既人就玩〝人狼〞一玩就玩左幾個鐘我哋玩人狼玩到天光之後撘小巴出番粉嶺由天未光就已經計劃梗去左海聯飲早茶我哋總共有11個人去飲完之後仲同 Timmy、Dick、阿傑番教會放低啲物資返教會時撞到 Agnes 返兒童教會事奉返到教會 9：30am 我仲挑戰 Timmy 返早堂崇拜哈哈 ~ 我傻架，同我玩！哈 ~ ！結果 ... ... 咪冇返囉！！各自歸家10：30am 終於番到屋企喇點知家姐同我講約左表妹 1：30pm 出去唱K 搞到我唔知瞓定唔瞓好最後我都瞓左三個鐘
6/10/2006 (五) 中秋節之夜
要返夜，收8：30pm收工之後同 big ling 去左旺角 Cafe 吹水 + 渡過中秋夜間 cafe ok 喎 ~ 無論係野食、氣氛、設備、裝修 ... ... 我都好鍾意！確實我冇揀錯地方 Yeah ~之後有Fio、Timmy、阿傑的加入原定諗住玩到一、兩點左右但最終都玩到間 cafe 收鋪返到屋企已經係 10月7日 4：00am 喇 ~
朋友就是 ... ... ？？？
唉 ~ 姊妹喎 ~ 兄弟喎 ~ 朋友喎 ~ 唉 ~ 枉我3月16號送左份禮物比佢唉 ~ 冇心人 ~ 唉 ~ 衰人！仲要同我講超啱身喎 ~ 唉 ~ 唉 ... ... 唉 ... ... 唉 ... ... ....
1/10 - 3/10 長洲慈幼靜修營
3/10/2006 (二)
8：30am 起左身喇
食過早餐之後，又去左石灘做默想福音故事
馬可福音5：25-34 【醫患血漏的女人】
但因為太晒既問題，我做唔到呀
於是我決定返房做默想
記起上次 Elsa 同我做呢個故事既默想時
我係喺耶穌面前喊得好勁
其實個故事我好熟
所以好快入到情景
我見到自己喺人群
當時我想行出去叫耶穌
但我冇勇氣
反而比耶穌見到我
佢伸手出黎叫我行去佢面前
實我唔夠膽
但最終我都行左出去
神問我：「你既信心、勇氣同力量去晒邊度？」
我話：「我都唔知道。」
耶穌冇再回答我問題，佢只叫我投向佢懷抱中，佢要抱緊我！
之後耶穌細細聲同我講：「你既力量、信心都喺我度」
我心諗：「我知丫！」
接住耶穌同我講：「你要尋找我，你一定尋得見。」
此時，我完全既相信佢係咩都知，包括我同人既分享、我心裡既想法 … … 佢真係冇所不知！
我喺耶穌面前立志，我應承佢離開呢3日2夜之後，我一定會抽時間尋找祂！
離開耶穌時，我見到他的臉上充滿著對我有好大既信心
11：45am
分享默想福音故事既領受
食 Lunch 、還房、閃人！
我自己一個搭 1：45pm 快船離開長洲 
