近排所發的夢境 ~ 是啟示我的夢嗎？？

兩個星期發左三個夢，我開始諗梗係咪神比我既啟示呢？？

照著次序！

1. 我發夢向我婆婆講神喺我身上既作為，之後仲同我婆婆傳福音，最後仲決左志添 ~
(我婆婆已經過左身喇！哈哈，點解我會發呢個夢既？？)

2. 講少少背景先：我中一既時候個班主任對我極之差，野野都想置我於死地個隻。
我發嗰個夢係見番我中一既班主任，佢又係好似以前咁對我，突然間，我見到小黎 Sir 既出現，佢幫左我！！
(呢個夢令我諗起一段經文：舊事已過；都已變成新的了 。)

3. 我夢見我媽咪因為工作搞到好辛苦，我好心痛呀 ~ 我都係衰口硬，唔肯開聲同媽咪講一聲關心既說話。

4月29日星期六喺 E 度起義小組裡面立左個志，我每日最少要主動打一次電話比我媽咪。

直到尋晚 ... ... 為著我同我媽咪的關係，我喺天父面前喊得好勁！

到左今日，我隻眼好累同好腫。

我突然想到，以上所發生既事好似係有關連咁，我覺得神開始有野要揭示我知 ... ...