多一次考驗；多一點信心

感情事上又經起考驗！

記番起一月既時候，我曾經問過天父兩個問題：
1. 我喺呢段時間裡面要學習咩？
2. 喺感情方面我有咩要改善？

當時爸爸比我既回應係：
1. - 學習同對方溝通
- 學習了解對方
2. (浮現番曾經拍拖既事)
嗰一刻，我知道爸爸有野要我去改，但我好快已經唔記得左係咩？！一直我都諗唔番出黎喇 ~


到左今日，爸爸又一次話我知。

發覺到原來我感情事方面，每次遇到困難都只係識得去逃避，選擇唔想再見、唔想再揾、唔想再知、唔想再理、好想放棄！


就係咁我發覺我自己處理感情事上都好細路女、唔成熟！唔怪得佢成日話我〝細路女〞我終於明白喇，我認喇 ~ ！


喺呢兩個月裡面天父喺我感情方面比左好多考驗我，感謝主！每一個考驗我都可以依靠主經過左，而今次 ... ... 好明顯我係呷醋，我仲應唔應該信任佢？？今次我都唔例外，我都好想去逃避佢，有樣唔同既就係，我又好想同佢講我既感受！！我真係好想親口話比佢知〝係！我呷醋！〞但我冇勇氣！


令我反思的問題：
天父同我講：「你有邊次唔係選擇〝逃避〞呢種方法？？」