阿ka的追思會

今晚我同Elsa、Celia、Duncan、Tobi、Howard一齊去阿ka既追思會！我還以為自己唔會喊，點知 ... ... 我哋幾個當中，我係喊得最勁嗰個！我唔知點解我會喊，無意中又睇到阿ka本思念集裡面，有我曾經send去〝阿ka聯盟〞既內容，一路睇番自己對阿ka認識既野，啲眼淚就係咁湧出黎，真的好難相信我會喊，我知道我喊唔係因為唔捨得阿ka，而係覺得佢好好，我要多多學習佢既野，佢樂觀既性格、笑瞼迎人既樣，我一定唔會忙記。

Dear ka,
希望你喺天家同爸爸一齊，開開心心過每一天！遲啲見啦 ~
Suki

Dear Elsa,
你尋晚問我：「仲有咩野好而家講，如果唔係就冇時間！」
我當時真係唔知點答你，我好想抱緊你勁喊！喊咩？！我真係唔知！
你是我的牧者、導師、師傅、朋友 ... ... 一切都在心中！多謝你呀！！
Suki

〝假期〞、〝平安夜〞、〝浸禮〞

E 癲園的弟兄姊妹

〝假期〞
12月20日至12月27日是我的假期！我冇出外玩，但又唔覺得悶喎 ~ 反而做多左好多事奉添！好開心呀！
喺呢個假期裡面，我約左Elsa師傅做門訓、Fio組員聯誼、Sum徒弟尋找事奉心態與方向、Tif組員出年既事奉剛位 ~ 好開心，因為覺有得著！好正呀 ~

〝平安夜〞
今年喺我第一次同阿mon、Tobi、Fan、Sum、Hoiling、Haze佢哋一齊跳舞呀！好開心呀 ~

〝浸禮〞
我受浸喇 ~ 雖然當日有五位好友冇黎到觀禮，但我相信佢哋都等我開心架，係咪？！Evans、小周、Quitman、子詠、Alax！
好感謝神呀！因為當日佢比左一個，好平安既心我去入死出生！
我亦要多謝有黎到觀禮既朋友排名不分先後：Zoe、Maggie、Sharon、Potata Chip、Potato Chip bf、爆炸姑、加耀、Tobi、Haze、Sum、Tif、阿進、Dick、Duncan、阿傑、阿漢 ... ... 希望我冇講少左啦 ~ 如果講少左請唔好介意呀！
特別嗚謝：我襄禮Pak！Thanks you！我知道當日你見到一個從來都冇見過既Suki，我更加知道你都好開心！我都係，好多謝你呀 ~ 〝一切盡在不言中〞
更加要多謝你哋啲禮品呀！！多謝你哋呀 ~ 我份份都好鍾意呀！

PS：各位親愛既朋友，浸禮當日你哋有我嘜頭既相，記住晒番比我呀 ~ ~ 萬分感激！！

阿ka既離開，令到我更加了解自己

今晚同阿Pak食Dinner時提及阿ka離開既事，我終於知道點解我識阿ka既時間唔多，但都有傷痛既感受。

因為我自己都有一個長期計時炸彈喺身，我都唔知佢會幾時爆炸，估計唔到！

眼見阿ka住醫院既時候，佢都好積極咁利用佢有既時間去親近神，如果換轉我係阿ka，唔知我又會唔會咁積極呢？？我又會唔會把握時間呢？？

我都有住過幾次醫院，可能就係呢兩個原因啦，相信呢啲經歷唔係人人都會有，所以我感受到阿ka離開既傷痛係特別大。

我係一個冇長遠目標同將來既人，當我發現左阿ka既離開；我既感受時，我先知道原來我唔敢去為自己set一個長遠既目標，因為我唔知自己有冇將來！？我身邊好多朋友都話我對自己既病好樂觀，其實都係架！因為我都唔知仲可以活到幾時？？我只知道既事就係要把握現在，可能就係呢個原因，令到我有一個好積極既心，去事奉、做一個討神歡喜的僕人、忠心順服主的帶令，將榮耀一一歸給祂！！

師傅生日

LOVE 的新詮釋/轉寄

L,代表"listen","聽"的意思.
愛就是 要無條件,無偏見的,傾聽對方的需求.

O,代表"overlook","寬恕"的意思.
愛就是 仁慈的對待,包容對方的缺點與錯誤,並找出對方的優點與長處.

V,代表"voice","聲音"的意思.
愛就是 要經常表達欣賞與感激,真誠的鼓勵,悅耳的讚美

E,代表"effort","努力"的意思.
愛需要 不斷的努力,付出更多的時間,去灌溉屬於愛的良田

『能解決的事，不必去擔心；不能解決的事，擔心也沒用。』

兩位年輕人從鄉下來到城市，歷經奮鬥，終於賺了很多錢，後來年紀大了，就決定回鄉下安享晚年，在他們回鄉的小徑上，碰到了一位白衣老者，這位老者手上拿著一面銅鑼，在那裡等他們。

他們問老先生：「你在這做什麼？」

老先生說：「我是專門幫人敲最後一聲銅鑼的人，你們兩個都只剩下三天的生命，到第三天黃昏的時候，我會拿著銅鑼到你家的門外敲，你們一聽到鑼聲，生命就結束了。講完後，這個老人就消失不了。

這兩人聽完後就楞住了，好不容易在城市輕辛苦了那麼多年，賺了這麼多錢，要回來享福，結果卻只剩下三天好活。

兩人各自回家後，第一個有錢人從此不吃不喝，每天都愁眉不展，細數他的財產。心想：「怎麼辦？只剩三天可活！」他就這樣垂頭喪氣，面如死灰，什麼事也不做，只記得那個老人要來敲銅鑼聲。

他一直等，一直等到第三天的黃昏，整個人已如洩了氣的皮球。終於那個老人來了，拿著銅鑼站在他的門外，〔鏘〕的敲了一聲。他一聽到鑼聲，就立刻倒了下去，死了。

為什麼呢？ 因為，他一直在等這一聲，等到了，也就死了！

另外一個有錢人心想：「太可惜了，賺那麼多錢，只剩下三天可活，我從小就離家，從沒為家鄉做過什麼，我應該把這些錢拿出來，分給家鄉所有苦難和需要幫助的人。」於是，他把所有的錢分給窮苦的人，又鋪路又造橋，光是處理這些就讓他忙得不得了，根本忘記三天以後的銅鑼聲。

好不容易到了第三天，才把所有的財產都散光了，村民們非常感謝他，於是就請了鑼鼓陣，歌仔戲，布袋戲到他家門口來慶祝，場面非常熱鬧，舞龍舞獅，又放鞭炮，又放煙火．到了第三天黃昏，老人依約出現，在他家門外敲銅鑼．老人〔鏘！鏘！鏘〕地敲了好幾聲銅鑼，可是大夥全都沒聽到，老人再怎麼敲也沒用，只好走了。

這個有錢人過了好多天才想起老人要來敲鑼的事，還正納悶：「怎麼老人失約了？」

///// ///// ///// ///// ///// ///// ///// ///// ///// ///// /////

當一個人處於絕望的時候，若能展現積極樂觀的一面，承擔眼前的一刻，不必擔心以後的事情，就不必怕哪一天銅鑼會響，也不必特別去聽那一聲銅鑼的聲音。絕望將不再是絕望，卻反而可能是另一個轉機呢！

當手中只一顆酸檸檬時，你也要設法將它做成一杯可口的檸檬汁。

生命不是用來尋找答案，也不是用來解決問題的，它是用來愉快的過生活。

希望各位在繁忙之餘...快樂過生活....

轉載網路文章：達賴喇嘛說的西藏諺語；
「能解決的事，不必去擔心；不能解決的事，擔心也沒用。」

這句話真的值得我們細細的咀嚼，所謂天下本無事，庸人自擾之。

把握當下才是最重要的

認識阿ka的日子：

我認識阿ka既日子，其實唔係好耐，記得第一次見阿ka，係喺2005年5月4日 星期三 晚 東區尤德夫人醫院，當晚有我、Elsa、Jacky、Duncan、Mon、Tobi、Cherie去探佢，我見既阿ka唔駛帶氧氣、有精神、有氣力，佢仲同我哋有講有笑添，佢亦有講佢自己後生時既事。

2005年8月8日 星期一 上午，收到阿ka既消息，佢昏迷左。呢段時間大家只有為他祈禱。

2005年8月中，收到阿ka既消息，佢醒番喇 ~ 感謝神！

第二次見阿ka，係喺2005年9月2日 星期五 晚 葛量洪醫院，今次有Elsa、我、Celia、Howard，見到阿ka瘦削左好多、又要長期帶住氧氣、只可以食流質食物、精神就麻麻、呼吸亦好急速，探阿ka既時間雖然好短，但我已經感受到，佢身體狀況比上次我見佢既時候差左好多，臨走前我哋都有同阿ka一齊祈禱，喺祈禱既時候，我有種好強烈既感覺，個種感覺係叫我開祈禱會，呢種感覺喺我心內為持左兩日，我同Elsa講左呢件事之後，我哋就決定左喺每個月既第二個星期六 下午三時正至四時正舉行。

第三次見阿ka，喺係2005年9月13日 星期二 下午四時多 葛量洪醫院，真係冇諗過今次見阿ka係最後一次既見面，今次得我一個去探阿ka，其中一個目的係送一份禮物比佢，份禮物係集合左E癲園各位弟兄姊妹既關懷與祝福，佢當時收到呢份禮物好開心，佢真係續張續張去睇，佢睇到有好多個弟兄姊妹都未曾見過，亦未聽過佢哋既名，佢都見到大家既一份心意。我眼見既阿ka精神好左好多、見佢可以開始食番少少固體食物、講野時都有番氣力、不過有樣野冇變既就係，佢仍然要長期帶住氧氣。

2005年10月10日 星期一 晚 收到Elsa電話，佢話阿ka入左深切治療部，精神狀態欠佳！佢既意志仲差！又冇嘜信心，我唔知道除左祈禱之外，仲可以做啲嘜！諗番之前阿ka昏迷既消息，到而家每次當我一聽到阿ka既壞消息時，我都好似有啲傷痛，個種感覺好難去講。我只係覺得我識阿ka既時間咁短，點解我會有咁既感受？？呢樣係我最唔明白既地方。

2005年10月14日 星期五 收到消息阿Ka仍然係深切治療部，但佢已經插左喉，對阿ka既說話能力同飲食方面都有一定既困難，醫生建議佢瞓多啲覺，所以幫佢打左麻醉藥！我哋唯有繼續仍然為阿ka祈禱。

到左2005年12月9日 星期五 下午兩點十五分左右收到消息，阿ka已經在2005年12月9日上午時分安息主懷。當我收到Elsa同我講阿ka離開既消息時，我即時既反應係「吓 ... ... (>.<”) 」，隔左五至十分鐘之後，我個腦開始浮現番我認識阿ka的日子、人既生命、再諗番自己仲有幾多時間呢？！

我同自己講，阿ka黎梗既追思會或安息禮拜，我一定會抽時間出席，記念呢位弟兄。

阿ka離開左我哋呢個事實，令到我哋學到要珍惜生命呢樣野。
〝珍惜生命〞？！
其實咩叫做珍惜生命？？珍惜？？講？！係人都會話知、都會話明。如果真係要去做，又有邊個做到呢？？對後生仔女黎講，〝珍惜生命〞根本就唔知道係啲嘜？！要去做，就更加係一件難事。可能就連我自己都係咁！

腦海中突然浮起深恩不變既歌詞 ... ...
《 深 恩 不 變 》
求 來 讓 祢 寶 血 ， 洗 去 我 心 的 不 潔 ， 原 諒 我 一 切 的 過 錯 ，
明 白 我 不 配 ， 得 祢 多 番 恩 恤 我 ， 我 心 知 虧 欠 實 太 多 。
祈 求 獲 祢 指 教 ， 剩 餘 日 子 怎 數 算 ， 能 讓 我 心 裡 得 智 慧 。
全 賴 祢 光 照 ， 解 去 心 中 的 封 閉 ， 罪 已 洗 ， 是 何 等 的 可 貴 。
遇 變 遷 深 恩 不 變 ， 落 淚 時 撫 慰 在 前
遇 困 險 恩 手 必 見 ， 患 難 中 有 祢 引 牽
神 啊 ！ 在 祢 千 載 看 來 ， 像 一 天 剛 過 ， 如 夜 裡 一 更 的 轉 去 。
惟 願 我 一 生 一 世 ， 安 躺 主 恩 裡 ， 盡 記 取 是 耶 穌 的 應 許 。

阿Ka已經離開了 ... ...

阿KA今早已經離開了我們，回到父那那裏，請大家記念他阿KA的家人，為他們代禱。

行山

今日我返埋午堂(又識左個新朋友仔喇 ~ 佢話黎梗既星期六會試吓返晚堂呀，好開心！！)。今日見到佢哋領受聖餐時，我自己心諗同時Duncan同我講「我下個月有得一齊領聖餐喇 ~ 」。我同Duncan、Celia、Sally、Elsa一齊去食Lunch，跟住我哋就一齊去行山喇 ~

我哋由流水响行到太和，嘩 ~ 比我想像中辛苦，話佢難行又唔係，係辛苦囉！因為全程有好多斜上、斜落既斜路同埋行上行落既樓梯級，起步時，我同阿yan都行喺人群中間架，但實在太大壓迫感喇 ~ 所以我哋決定左行最、最、最、最、最後面，一來)冇壓迫感！二來)可以慢慢行！(我哋又唔係比賽，行得咁快仲咩喎 ~ )三來)親親大自然麻！！行到去八仙嶺之後既路段，我同阿yan就行番上面lu ~ 全程我都係陪伴阿yan左右，大家互相扶持麻！

總結：雖然中學組只得阿yan黎行山，但我自己諗番星期三晚既問題，我覺得係爸爸既安排囉！所以我都好感恩。

是神的安排

今日我臨收工既時候，接到阿Yee 打黎既電話，佢叫我今晚同佢一齊食飯(同埋阿Shan)，我係冇約人，我想返屋企食呀！但諗到點解佢哋會主動揾我架呢？？我既好奇心又出左黎喇 ~ 所以，我應承左同佢哋食飯喇 ~

雖然我哋一行三人，但都好感謝神，比左個機會我同佢兩個，可以個別傾一啲問題。喺同佢哋個別傾計同時我察覺到有少少野，其實佢哋兩個好唔同！各有各的性格、各有各的問題 ... ... 好開心，因為佢哋都信任我。

返到屋企之後，我細心一諗，尋晚同Timmy講過既問題 ... ... 今日接到阿Yee佢哋既電話 ... ... 諗左一陣之後，阿Yan打比我，佢同我講會返星期六既小組、崇拜同埋會去星期日既行山。同阿Yan收左線之後，我突然間又諗起一樣野，〝神 係無所不知，無處不在！！〞唔通以上種種都係神既安排？？唔通神真係准許我開中學組？？唔通神正在幫梗我？？


Dear 爸爸
好混亂呀 ~ 好多問題呀 ~ 但都好感謝神！因為我生命中有你！你時不時既出現，令我感受到你與我同在！(呢種感覺好真實！)真係好想大大聲咁講〝爸爸，多謝係呀！！〞

最後晚餐

呢兩日我都OT，做到成7、8點先收工，因為公司終於要搬喇 ~ 哈 ~ 哈 ~ 但搬既同時，都受左唔少氣！(>.<")

今晚約左Timmy食飯，我同佢傾左好多小組既野，Timmy問我「係咪2006年1月拆組？」，當時我唔可以答佢係！因為我對中學組班女之中既yee、yan、shan有啲灰心，我唯有答佢「主若許可，我會囉！」但都要睇吓到時大家想點既？！我怕到時係我唔捨得〝E學院〞班組仔同組女炸，丫！仲有組長 Timmy。

返到屋企我都有為Timmy、Shan、Yee、Yan禱告。