現在才發覺 ... ...

今日開組係我自己責晒4個w，不過都要多謝Jacky幫我伴奏，呢次係我第二次〝一手一腳〞自己搞晒成個組！今次我又係好enjoy查經嗰部份，班組仔、組女啲反應都好好呀 ~ ！一來，要多謝教會既試用板。二來，要多謝個Topic啦 ~


班組仔、組女由今日起，喺黎梗半年都會有一個守望者(改名：小天使)，每個組仔、組女既小天使都係由佢哋自己揀架，去到出年2006年4月15日(六)我地就會再一齊分享大家既進展情況、相處呢半年時間所發生過既事、與小天使一齊渡過既開心同唔開心既事！


我開始發覺，我初做實習組長既時候，唯一對班組仔、組女既期望，就係想佢哋可以快啲成長，但到左而家 ... ... 我先知道，原來係唔可以心急架！其實每次開組只要佢哋能夠明白神既說話、頭入小組、有回應、有鼓勵、有支持，我就已經好開心架喇 ~ 喺當中我開始見到有組仔、組女開始慢慢成長梗喇，真係好開心！