30/8/06 (星期三)

呢兩日既 Lunch 我都冇食野，但我又唔肚餓喎！夜晚只係食得好少好少。

今日 Lunch 時間都係因為唔肚餓，所以我揀左瞓一陣，之後下午我就忙到死，就連夠鐘收工我都唔知，好蠢呀 ~

今日星期三唔駛返夜，調左聽晚返，因為我冇約人既關係，所以今晚就好早返左屋企休息！

當自己喺屋企靜落黎之後，精彩既事就發生喇 ~

第一) 我發現慢慢開始有好多情緒出黎，我唔知咩原因。
第二) 亦係一次從心將一件事交托比神，表明我的想法給意見，突然想同某人齊心的禱告，我唔知係咪神叫我咁做，如果係的話，希望大家都可以抽到少少時間出黎，一起為著此事禱告啦！

29/8/06 (星期二)

午間祈禱會

今日阿JO 帶領，歌詞好正！我分享左代禱事項，就是為著E癲園黎梗既香港遍傳同我既小組祈禱，之後志華為到我禱告的時候，心裡的火又一次興起 ... ... 結果我要努續努力！！

講住咁多先 ~ 做野！

收筆 2：06pm


***** ***** ***** ***** ***** *****


今晚同 Ally 食飯，同佢傾左好多野，對佢有期望，亦有盼望！
知道佢開始了解自己，開始認識自己，感謝主！
神呀！求你賜比佢有勇氣、膽量，去接觸新嘗試，叫佢內心裡頭沒有害怕，因為神已住在佢裡面。
希望有一日，能夠再一次歡迎佢回歸啦！

P. S：記住呀，凡事要從好既一面睇呀 ~ ！

收筆 9：38Ppm


***** ***** ***** ***** ***** *****


同阿柏傾左差唔多一個鐘既電話，我既心力已經好累了 ... ... 佢同我講左好多野，又問左我好多問題，(我之前不斷求神，讓我有智慧去處理佢既事)，我聽完佢講既野之後，我覺得佢都未有心智，得把口話知、話明！我真係睇唔到佢既實際行動喺邊囉？！

收筆 11：57pm

飯聚

收工臨走前打左個電話，我真係估唔到佢會記得，佢既一句說話，令我唔知道點去回應！
內容係：「你唔係決定星期一至五都 x x x x x 架咩？？」
我唔知比咩反應你，有時想你記得既，你就唔記得！！(>.<")
你知唔知我個決定既目的係咩呀？

我哋好似好耐冇一齊食飯喇，成日約極你都約唔到！
好多謝你今晚肯賞面喎 ~ ！
開心的一餐晚飯！
Thanks ~

Jo Jo 受浸喇 ~

出左荔枝角恩福堂睇 JO JO 浸禮，嘩 ~ 好大呀！十八層呀 ~

學阿Mon 嗰句〝井底之蛙〞真係見識少！唔知第二時，粉神既上帝之城，有冇咁壯觀呢？？

多謝 JO JO 比機會我去觀禮，有百幾人受浸！！

26/8/06 (星期六)

分享得越多、講得多，先知道自己問題喺邊度！

知道自己內裡混亂左成個幾月，好想去整理一吓自己的內在問題，所以我決定左報十月一日至三日既靜修營，好想去重整自己既靈命。

我知道有幾位弟兄姊妹都想去，但價錢真係好貴，唔知可唔可以反映呢？？

而我點解咁貴都決定報？？原因一) 我未試過去三日兩夜既靜修，好想試吓！？原因二) 我相信神比我喺靜修營中的領受會大得過我所付出的金錢好多、好多囉！！


***** ***** ***** ***** ***** *****


雖然而家唔係同一組，但都會關心朋友，過往同 Timmy 傾小組既問題既時候，佢比我既感覺都只係避而不答或者係有答等於冇答！但今晚 ... ... 竟然唔係咁，我哋從未試過正正經經咁去傾呢方面既事 ~ ~

對談當中，我知道佢有自己既想法，佢既諗法都啱既，支持你呀！！別人的只係意見，所以真係要好好諗清楚！

朋友，只要你講一聲，我一定會協助你！隨時候命！！

哈 ~ 哈 ~ 哈 ~

豹仔補祝的生日會

收工之後出左旺角同豹仔補慶祝生日，好似耐都未有呢種感覺喇 ~
大家玩到成十一點幾，都未捨得走，但sorry ~ 我要早走呀，哈哈 ~ 其實我都唔係咁願意走架炸，但冇計啦聽日又要返工，唉 ~



今晚我冇飲過酒精成份既飲品丫？！但點解我會咩都講晒比佢知架！？講左冇十成都有八、九成呀！！Suki 醒醒啦 ~

不過我知道我講既全部，都係我心裡面想講既說話黎，我相信當中係神帶領住我，因為我知道我根本唔可以靠自己能力黎開口講，我冇勇氣去面對個結果！但亦因為〝信任〞兩個字我先會講到，講左之後既結果係點？？大家都唔知！？呢段時間只有等，唔知會等到幾時，唯有等待神既帶領同顯明 ... ... 我相信爸爸會比個答案大家。

最後，我既決定都會照常進行，希望對大家黎講，都會有幫助啦 ~

好朋友的約會

今晚約左個好友喺大埔食飯，一個普通既約會，係冇目的、好自由！

成晚大多數時間，都係我講左我既事，例如：帶小組、我屬靈既成長、我既工作、我家庭生活 ... ...

感覺好自然，我好希望可以透過神喺我身上既工作分享比佢聽，能夠幫到佢 ~

P.S：
好朋友,
記住呀，我都係普通人一個！
只要你願意企番喺身，神一定會幫你架！！
你都得架！！

台宣重聚日

一點左右我出左沙田行街，行到四點到就走lu ~

五點鐘去左 Nole 屋企，睇番台灣啲片，真係令我地每一個人都好回味！！

令我深刻既一件事，就係 Nole 為我地單身既姊妹祝福祈禱，我唔知點解喺禱告當中,我腦海不段浮現一個人 ... ...

訂立未來4個月小組的目標

今日小組得兩個人，我哋就一齊諗諗未來四個月既目標同方向喇 ~

我地為著目標禱告！

喺禱既時候，我見到好多野 ... ... 懸崖 → 強光 → 見到E靠祢好多組員一齊分享的場面 → 耶穌拖住兩個小妹妹行一條光明既路！

〝 誰像耶穌 〞
誰像耶穌 岩石一般堅固 潮汐泊岸
年月風霜都經過 仍然屹立沒變改

誰像耶穌 能像春風溫暖 帶出雨露
能解心中乾渴 洗清每段愁困

祂似夜靜寒星閃 在悠悠長空裡 照明瞭著去路
耶穌就是那光 祂似冷夜紅爐的火
像熊熊紅火暖 原是祂的手最暖

禱告完左之後，我就哼左呢隻歌既一啲歌詞出黎，我覺得正正對應梗我祈禱時既圖像囉！！

我是一個開心果

我是一個開心果，帶給別人很多歡樂 ~ ！

我今日先知道，我黎左明愛做之後，原來我帶左好多歡樂比班同事。

更令佢地以前冇咩野講既，而家就多左野講，關係仲好左好多忝！！

哈哈 ~ 我唔相信係我既工勞！哈哈 ~

補搞 Pan 生日會

尋日同鍾 sir 搞左個生日會。
Pan 生日快樂呀 ~ ！
呵呵 ~ ~

唯一的看法！！

今日睇到加耀既日記，令我學習到點樣從神的眼光來看這世界！！

今晚崇拜時，我唔知仲咩敬拜中都瞓得著！！

嘩 ~ Suki，你真係好勁呀 ~ 佩服！！佩服！！

唔得！決心明天要再返崇拜！！

P.S：
對唔住呀！！忘記左今日係哥哥既生日，之前我喺台灣既時候，佢仲要喺長途電話度提我，點知返到黎香港 ... ... 我就 ... ... 忘記了 ~
哥，真係對唔住呀！！在此補說一聲，生日快樂 ~ ！

*** 我3/8 ~ 9/8，呢7日係台灣既日記 ***

8月3日 (四)
我尋晚零晨4：00am瞓呀！到左6：00am阿Roy打比我叫我起身，我要多謝佢，如果唔係佢，我真係唔知醒！！


搭巴士途中，心裡有不安的感覺，好似有野唔記得帶咁，但諗極都諗唔到係咩 … …


我地一團有十四個人，去到機場後，我撞到個以前同事，咁啱佢同我搭同一班機場巴士、咁啱佢同我一樣都係去台北、咁啱佢又係十點幾飛機，但唯一一樣野唔同既係 … … 航空公司！！


去到離境大堂既時候，Celia先知道自己冇帶護照，嘩 ~ 好險呀 ~ 好彩都趕得切攞黎啫，辛苦晒Celia媽媽亦好感謝神！


入到登機大堂先知道我地班機要Delay，原定CI0617航班起飛時間係10：25am，搞到一等再等，係呢個時候，我同阿Mon係候機室狂影相，哈哈 ~大約等到11：40am上了CI0604航班，入到機艙後我收到Tif電話，但我冇聽到，Sorry 我唔可以聽呀！！大約12：35pm先起飛，好開心呀 ~ 有得坐窗口位！！當飛機飛得越高時，我既感覺就好似同神越黎越接近咁，飛機去到雲上面時，我睇出窗外，個種感覺好似係爸爸既白袍中，大約1：00pm係機上食Lunch，大約2：00pm去到台北中正機場，大約3：00pm離開台北中正機場，出發去〝新莊長老教會〞，即我地食宿既地方，我咁大個女第一次瞓教會炸！！與我同房的有Elsa、Moon同Mandy。


今晚既晚餐每人食左台幣110蚊，即港幣$27蚊到啦 ~ 我、Elsa同Mon每人一個6個轉既朱古力味雪糕 (指係其中一樣)，好好味呀 ~ (>.<”)

唔知點解今日去到邊就瞓到邊！


3/8/06 11：08pm收筆 Suki





8月4日 (五)
7：00am 起身‧洗頭


8：00am 出街食早餐〝冷麵〞，好好味呀！


9：00am 敬拜 ~ Celia帶領，萬口歡呼宣告、深知你的愛 … …


9：30am 靈修 ~ 【進入與神的密室中】馬太福音17：1-8


10：30am 靈修分享 ~ 默想聖經故事，結果係 … … 瞓左！！與同房同伴分享靈修得著，最後Elsa為我地祈禱時，我見到神企在我們祈禱圈中間，然後慢慢、慢慢向上升起，之後慢慢、慢慢變了十字架，仲要係發光架！！


11：00am 祈禱 ~ 我開聲為著我們的身體狀況Mandy的肚痾、So的坐骨神經、阿玉的氣管、汝霞的牙痛引至的頭痛


12：15pm Lunch〝炸雞肉飯〞


1：00pm 練歌 ~ 6/8的獻詩〝耶和華神已掌權〞


2：00pm 行區祈禱 ~ 〝新莊長老教會〞出發，要行的路段：新莊路 → 新泰路 → 復興路一段 → 中華路一段 → 公園路 → 新莊路返回〝新莊長老教會〞，嘩！好累呀 ~ 天氣又超熱喎！？想熱死人咩！！掙d中暑呀 ~ 第一次邊行邊為個區禱告，讓我感覺到 … … 要盡力拯救當地的靈魂。


4：00pm 小休


4：45pm 排默劇 ~ 因為明天要表演喇 ~


6：00pm 出街食晚飯，因為Sylvia生日


8：45pm 為著7/8朝早我帶領的敬拜自我練歌


9：45pm 沖涼


10：00pm 互相服侍 + 7/8朝早我帶領的敬拜自我練歌


10：45pm 返房 ~ 正因同房的三人好忙之際，我又自我準備7/8朝早我帶領的敬拜流程


今天就係咁完結了 ~


4/8/06 11：45pm收筆 Suki





8月5日 (六)
7：00am 起身‧洗頭


8：00am 出街食早餐都係〝冷麵〞，我食完之後好想區呀 ~


9：00am 敬拜 ~ Mon帶領，來高聲唱、揚聲歡呼讚美、剛強壯膽、愛再不是傳說、差遣我(普通話)


9：30am 意識練習 ~ Elsa帶我地做番由上機到落機，之後到了〝新莊長老教會〞安頓時的片段，感謝主！我冇瞓到，做到一半之後，我繼續都聽到Elsa把聲，但已經冇左個畫面，變左一片空白了！！


9：45am 靈修 ~ 【照出真實的自我】詩篇139篇


10：30am 靈修分享 ~ 讀後感：神的提醒，無論我做咩事、我係邊度，神都會知道，我不能躲避神！因我去到邊佢都會知道。詩篇139：23-24：明白神比我既試煉，讓神知道我的意念，求神帶領我繼續走永生的道路。今天的靈修總結：神愛我，祂溫柔的提醒及責備我！！


10：45am 祈禱 ~ 為著汝霞的身體狀況、下午嘉年華會的表演及攤位禱告


12：00pm Lunch〝炸銀雪魚飯〞


1：00pm 出發 ~ 去嘉年華會 ~ 表演得好順利呀！攤位反應好熱烈呀！


6：42pm 晚飯時間


8：00pm 〝新莊長老教會〞少年團契


8：45pm 臨時會議


10：30pm 沖涼


10：45pm 致電回港 ~ 因為我 有好多個電話都未接，所以打一打返去再算囉！


跟住幾日一定忙爆！！


6/8/06 12：15am收筆 Suki





8月6日 (日)
8：00am 起身‧洗頭


9：00am 出街食早餐〝豆腐瘦肉秋冬〞


10：00am 主日崇拜 ~ 去左參加〝基督教浸信會歸主堂〞的聚會，當中我地亦要獻詩〝耶和華神已掌權〞


12：00pm Lunch〝烤旗魚飯〞，好難食！(>.<”)

1：30pm 在〝基督教浸信會歸主堂〞搭巴士出發到〝基督教信義會新莊教會〞，即是遍傳的聚會點。


2：00pm 敬拜


2：45pm 講解及分隊出發探訪，兩個香港人配一個台灣人。


3：00pm 我的配搭是：我、So同當地的一位姊妹名叫許琼嬋，路途中，睇見有好多人係街上燒衣紙、拜偶像，我感覺好難受呀！為有即場禱告啦 ~ ！


3：30pm 去到了其中一家，他們不是基督徒，我地講左一次完整既福音比佢聽，雖然她未決志信主，但我已經好感恩，感謝主！我地傾左45分鐘先走呀！嘩，好累呀，仲有今晚呀，唔知體力上掙唔掙得住呢？！


6：30pm 晚飯時間


7：00pm 〝基督教信義會新莊教會〞，即是遍傳的聚會點，敬拜完左之後，我地又一次組隊出擊，我今晚既配搭係：我、So、當地其中一位師母。


7：45pm 出發 ~ 係探訪路途中 … … 我見到一隻山豬呀！好大隻呀！聽師母講原來當地人視牠為寵物 … … (-_-“)？？？我都係第一次聽。
去到其中一家人屋企時，原來他們已是基督徒了，還有固定返教會忝！他們有兩位小朋友，一個一歲、一個三歲，兩個都好得意呀！！我地在這個家庭都傾了很久。


10：30pm 係臨離開〝基督教信義會新莊教會〞前，我們收到一個消息，遍傳我負責人要求我們明天下午帶敬拜。相信對Elsa黎講係好大的挑戰。


10：55pm 左右我們才返到〝新莊長老教會〞，原本我聽朝早要帶敬拜架！但因為Elsa明天下午要帶敬拜的關係，再加上我、Mon同Moon三個要做伴唱，而又未一齊練過歌的原故，我就同E lsa對調左，變左我會係8月8日才帶敬拜！


12：30am 沖完涼，寫埋日記，時間已經是一時多了 ~ 要瞓喇 ~ ！


明天要再接再厲呀！！


7/8/06 1：32am收筆 Suki





8月7日 (一)
8：00am 起身‧洗頭


9：00am 食早餐〝三文治〞


9：30am 練歌 ~ 因下午要在遍傳帶敬拜。


10：00am 敬拜 ~ Elsa帶領，一切歌頌讚美(普通話)、坐在寶座上堅潔羔羊(普通話)、差遣我(普通話)


10：35am 靈修 ~ 【活出有愛的生命】約翰一書3：16-19、4：7-12


10：30am 靈修分享 ~ 讀後感：我見到好多、好多幅圖片，全部都係唔好既野，唔知點解 … …是我的罪嗎？？


11：30am 祈禱 ~ 為昨天被接觸過的人禱告、為著自己的健康、下午的敬拜祈禱


12：00pm Lunch〝炸雞飯〞


1：00pm 出發 ~ 去〝基督教信義會新莊教會〞


1：20pm 到了 ~ 敬拜採排


2：00pm 敬拜時間，Elsa領詩，So伴奏，我、Mon同Moon伴唱，一切歌頌讚美(普通話)、坐在寶座上堅潔羔羊(普通話)、差遣我(普通話)


下午出擊遍傳時，我唔知咩原因心情極度低落、有情緒，全程我都冇咩點出過聲，我真你唔知道發生左咩事！Mon問我係咪好累時，我既回應係：我唔係好累，我都唔知發生咩事！？我知道既話就講你知。


直到晚上敬拜時段，唱到〝用主的真誠相愛〞的時候，我的眼淚就躍出黎，我唔知係咩原因喊，我只相信一定唔會因為歌詞影響！係呢一刻，我記起Elsa曾經講過，喊的時候，不要問自己喊的原因，先可比自己喊！！點知，我越喊越激、越喊越勁，喊到一發不可收拾，我從未試過係敬拜當中喊得咁勁，更加未試過一路祈禱一路喊，總之：一提到神既愛、人既軟弱、我需要既勇氣、我要既膽量、我要既信心、放下自己的時候，我就自然地喊。


喊完之後我個頭好痛呀！！但我都仍然堅持要出去傳福音，我一路行去探訪的路途時，心裡一直哼著一首歌，就是〝剛強壯膽〞的歌詞，感覺真的壯了我的膽小鬼。


一整天的工作已完結時，回到房間自己靜下來的時候，回想番我今天落淚的原因時，我才知道 … … 要放下自己的想法、勇敢面對處境、傳福音？！我真的可以做到嗎？？


已經喊到好累喇 ~


8/8/06 1：45am收筆 Suki





8月8日 (二)
8：30am 起身‧洗頭


9：15am 食早餐〝三文治〞


9：45am 練歌 ~ 因要帶敬拜。


10：00am 敬拜 ~ Suki帶領，來敬拜上帝、讓讚美飛揚、容我寧靜、求主興起禱告的心


10：35am 靈修 ~ 【享受事奉的福氣】馬太福音25：14-30


10：30am 靈修分享 ~ 讀後感：見到一個瞓底左既十字架，但仍然發光的。我知道神好愛我，佢想我去傳福音，但我做唔到！我好冇用！我另爸爸好失望！！個種感覺就好似做錯事咁，好對唔住呀爸爸！！


11：30am 祈禱 ~


12：00pm Lunch〝炸雞飯〞


1：00pm 出發去〝基督教信義會新莊教會〞


下午我、Celia同一位台灣名叫心聰的一個男子一齊出擊，我哋係KFC到向一位24歲的男孩傳福音，需然佢冇即時決志信主！但我既感覺好好，起碼佢冇抗拒我哋先啦 ~


我明白到今次的短宣，神使用左我黎去做反譯的角色，奇妙的事就係，我的普通話都係好普通，但我都可以做到反譯，就係咁神讓我見到佢既大能同聖靈的幫助。


晚上我都同係同Celia一齊出擊，但今次就拍住兩個台灣人，一個係當地的姊妹，一個係牧師個仔，名叫瑋宸，我哋叫佢做PK仔(這不是粗口，請大家留意！)


我同佢都幾啱傾，佢都幾搞笑個播 ~ 哈哈 ~！！


今晚係最後一晚見佢哋喇，明天就要走喇，好唔捨我呀 ~ 但唔捨得都終須一別！！(>.<") ... ... 唯有禱告記念！！





8月9日 (三)
8：00am 起身‧洗頭


9：00am 食早餐〝三文治〞


10：00am 敬拜 ~ 阿玉帶領，主我高舉你的名、神永遠配我尊崇、那裡有主的聖靈、你是得勝的神


10：30am 靈修 ~ 【繼續使命的前進】腓立比書3：7-17


10：30am 靈修分享 ~ 讀後感：我諗番曾經事奉過的片段，當我再諗多少少既時候，我問神仲可以為佢付出咩野呢？？我仲可以為主付出幾多呢？？隔左一陣之後 … … 我就見到一碗酸梅湯，酸梅湯對我黎講係一樣極度抗拒既食物！咁神想同我講咩呢？？突破自己？？神想我做一些我一直都唔會做既事？？神想挑戰我？？


11：30am 祈禱 ~


12：00pm 去左台北最出名的101，去到先知到冇野睇既 ~ 即係香港既sogo！


3：00pm 上番車去機場 lu ~


4：15pm 到達台灣中正機埸，之後食野


5：55pm 登機喇！！


8：10pm 返到香港喇 ~





3-9/8/06 台灣新莊短宣總結：
是次令我最深刻的經文：
「我的恩典夠你用的，因為我的能力是在人的軟弱上顯得完全。」(林後12：9)


呢句經文我成日都會聽到，但透過今次既經歷，令我深深體會到，當我軟弱、無助、認為自己做得未夠好既時候，神既大能就幫助我，讓我看見祂的慈愛！


最後的回應：強者點都會有軟弱既一面架！！

短宣旅程已完滿結束

我平安返到黎喇 ~

好掛住大家呀 ~

比小小時間我，之後我會再話番比大家知道8月3日 ~ 8月9日的事情。



是次短宣令我最深刻的經文：
我的恩典夠你用的，因為我的能力是在人的軟弱上顯得完全。(林後12：9)

上機的前一晚 ... ...

我9：00pm收工之後同左幾個好朋友去食我的〝最後的晚餐〞。

我覺得今晚有啲事，好似過左位囉！！唉 ~

返到屋企12：45左右啦 ~

之後又想執與唔想執行李之間，最終我執行李執到兩點幾三點！

成四點幾先瞓呀 ~ ！

我的組員及好友，我一定會掛死你哋架！！(>3<)"

台宣之行前奏 (二)

我的好友,

我聽朝就要起程前往台灣喇 ~ 我一定會掛住你哋架！！
我會離開香港一個星期，因為我要去台灣短宣。
我哋一行14人，請大家多多為我們代禱吧！
為了讓大家認識台灣短宣隊的情況，
鼓勵你們(在後方)一同參與為我們代禱，
精心剪輯了一段介紹我們的台灣短宣事工和代禱重點。
短片網址在﹕
http://158.182.7.184:8080/Taiwan/video/
請點選檔案 "STM-promotion-July19-version-2.wmv" 播放(檔案大小﹕41MB)
看看是否適合使用。




以下是Suki聽日開始黎梗一星期的行程：
( 以下時間只作參考之用 )
3/8 (四) 0800 到達香港國際機場
1025 CI602中華航空 起飛
1205 飛抵台北中正機場
到達當地教會及安頓

4/8 (五) 上午：敬拜、禱告、靈修、預備嘉年華會
下午：行區祈禱(新莊球場 ~ 即是嘉年華會場地)、預備嘉年華會


5/8 (六) 上午：敬拜、禱告、靈修、預備嘉年華會
下午：福音嘉年華會(我地負責兩個攤位遊戲，表演一個默劇同一個魔術)


6/8 (日) 上午：教會崇拜(我地要獻詩呀 ~ )
下午：探訪、2：00pm ~ 5：00pm佈道
晚上：探訪、7：00pm ~ 10：00pm佈道


7/8 (一) 上午：敬拜(是次敬拜由小女子負責)、禱告、靈修
下午：探訪、2：00pm ~ 5：00pm佈道
晚上：探訪、7：00pm ~ 10：00pm佈道


8/8 (二) 上午：敬拜、禱告、靈修
下午：探訪、2：00pm ~ 5：00pm佈道
晚上：探訪、7：00pm ~ 10：00pm佈道


9/8 (三) 上午：敬拜、禱告、靈修、Debrifing
下午： 購物(買手信)
1600 到達台北中正機場
1825 CI617中華航空 起飛
2005 香港國際機場


主內被差遣的Suki字