有野益大家呀 ~

各位朋友：

我中心現有以下物品售賣，收入撥捐「明愛賣物會」，
請多多支持，如有興趣，請向我查詢，謝謝！

1. Tim Tam薄荷味朱古力餅：$5（2包） 到期日：09.2006
2. V8雜菜汁：$10（4支） 到期日：09.2006
3. Tim Tam朱古力餅：$10（1盒） 到期日：10.2006
4. 品客牌薯片：$5（1筒） 到期日：10.2006
5. 金寶雜菜湯：$18（3罐），每罐$7 到期日：07.2007

圖片樣板如下：

台宣之行前奏 (一)

仲有大約一星期，我就要飛去台灣喇 ~

我既心情仲未準備好呀 ~

雖然我只會離開香港一星期，但我仍然有記掛 ~ ！

一次既考驗、一次既離開，結果又會係點呢 ... ... ？！

好玩星期日

尋日去左 Fio 屋企玩，好開心呀 ~

雖然玩既野唔多，但個種感覺 ... ... 好似 ... ... 係 ... ... 好自由，真係放假的一天，我地完全冇計劃過搞嘜架！！

Fio 又開始計劃梗下星期日有咩搞作喇 ~ ！預祝你成功！！

我決定左 ... ...

尋日收工去左睇戲！

〝四條腿拯救隊〞

幾好笑喎 ~

***** ***** ***** ***** ***** *****

掙扎左六日，我比左個答案自己，

我決定左7月尾唔會上台講見證喇 ~！

開始發覺自己，一心不能二用了 ~

憎恨的結果

終於我嬲左一個人兩日，對我黎講已經足夠喇 ~

嬲人係好辛苦既一件事黎架！！

但問題一日未解決，一日都仲係度！！

好辛苦呀 ~

多謝呢段時間關心我既朋友呀 ~
Ada --- 多謝你比我對住你喊足兩個鐘呀 ~
Fio --- 多謝你送比我既珍寶珠呀 ~
而 Ling Ling 、傑、子詠、Timmy、Jackie ... ...
仲有好多、好多唔能夠係呢度講晒 ~

總之一句講晒多謝你哋呀 ~ ！

錯的不是我，為何落淚的是我？！

嬲？！我仍然有，我會嬲到幾時呢？！

喊？！好耐都冇切切底底大喊一場，而家可以了，我喊左個半鐘，感覺都好似未夠。

問題一日還在，一日都未解決！！

傷心？！仍然有！！

突然間，好掛住媽咪呀 ~ >.<"

準備分享我的見證

7月尾我會講見證呀，心情又興奮又緊張！！

多謝神比呢個機會我，我突然想起以下語句：

~ 神是我的供應者；是我的天父、我相信祂；我願意聽從祂的差遣！ ~

好！就用呢句做我的見證主題啦 ~

躍動‧心靈‧Viva 成長營 〝兩日一夜之旅〞

1.7.2006 ~ 2.7.2006

籌備左三個幾月既成長營，終於出世喇 ~

兩日一夜既旅程終於完滿結束喇 ~

第一日既活動真係好正：歷奇、出賣自己、人狼 … … 都好正呀 ~
完左人狼之後，我哋一班 Committee 就做左個小小既檢討，我係當中分享左當日一啲感受，有啲時候我唔知應該選擇人？定選擇事？？答案原來係好睇我既價值。

檢討完左之後，我其實已經好累，諗住沖完涼之後走去瞓啦 ~ 點知我沖完涼之後成個人精神晒，搞到都瞓唔到，咁我咪過左隔離屋 27號傾計囉，傾傾吓走左入房傾，哈哈 ~ 我哋癲到六個人坐係一張床上面互相傾訴，最高峰既時候一間房有九個人出入，傾吓 … … 傾吓 … … 嘩 ~ ！六點幾喇 ~ 我選擇左瞓一個鐘，根住起身過返隔離自己屋26號梳洗。



第二日，雖然瞓得一個鐘，但精神還在呀 ~ ！哈哈 ~
當我7點九左右走過隔離屋 27號時，我一開門，呆滯左！點解？！
因為同我同一時間瞓嗰啲人差不多全部都起晒身，好精神喎 ~

今朝節目有：唔玩你走寶、成長九柱、分享 ... ...

去到分享時間既時候，我見到每個人都喺呢個成長營有野攞走，每人都有得著、有學到野、當中亦見有不少弟兄姊妹突破左自己，改變左，感謝主！

我既心情，超超超超超級、極極極極度、爆開心！見到佢哋每個人都攞左唔同既野走或在學習中成長左，我搞個 camp 既目的就係咁，而家？！成功左啦 ~ Yeah ~ ！！

當聽到大家講對呢兩日一夜既感受時，場面真係令人感動！！ Agnes 帶得好好呀 ~ 每一位參加者講既野，都有唔同，我都有少少忍唔住想 … … 喊，因為見到佢地真係成長左，喺當中真係學到唔同既野，佢哋每次多謝我或Committee 既時候，我就將榮耀一一歸番比神！

雖然我當時既分享既唔多，因為我喺嗰一刻，我真係唔知講咩黎去回應大家。


TO：朋友！！
你哋既每一句說話，我會記得架！！
我愛死你哋呀 ~ ~ >3<
FR：Suki



美麗的片段！

成長營 Committee



七位可愛少女



忍耐組成員
依？！大 Ling 遮住左《銘輝》添 ~



忍耐組成員
喔？！變左希雯遮住左《煒鍵》喎 ！



和平組成員
點解《之進》好似隔開左咁既？！



團體照
Michael ，你喺做咩呀？？



團體照 ~
哈哈 ~ 終於有我既出現喇 ~