suchimon ...suki ~

27.6.06

爆唔開心呀 ~

我唔開心時,有一位同事送給我的經文:

彼得前書 5:7、9-10
7 你們要把一切憂慮卸給 神,因為他顧念你們。


9 你們要用堅強的信心抵擋他,因為知道你們在世上的弟兄,也經歷過同樣的苦難。


10 但滿有恩典的 神,就是在基督裡召你們進入他永遠榮耀的那一位,在你們受了短暫的苦難之後,必定親自成全你們,堅固你們,賜力量給你們,建立你們。

22.6.06

被愛的感覺 ... ...

同一時間知道有兩位朋友鍾意我既消息,其實係件好事定唔好既事?開心定係唔開心呢?!

感情既事,我真係唔想煩、唔想諗!

我驚!我怕!唔好比我知咁多啦 ~

19.6.06

靈修中讓我尋找了另一個〝沒有自信的 Suki〞

喺人面前既 Suki 究竟係點?
喺神面前既 Suki 又會係點?
神就讓我喺今次靈修中認識另一個我!!

成長營由3月開始籌備到而家都有3個月多3個星期了,當中都遇過一些困難,諗番轉頭,我所遇過既每一件事其實都係好微小,真係要多謝天父既保守。

不知不覺間,距離成長營既時間,仲有2個星期,我開始捉摸唔到自己係咩心情黎去面對,係期待丫?開心?擔憂?定放鬆呢?

由做成長營既籌備,到而家做梗成長營既主席,回顧番自己既表現,我覺得自己做得唔好!我揾唔到應為自己做得好既地方係喺邊到?!我只覺得自己真係做得好差、好差!!

我見到神既回應係滿意我既表現,佢叫我唔好擔心,彷彿好似聽到神的讚賞,『佢話我己經做得好好,嘗試睇吓自己好嗰方面丫!爸爸永遠會喺你身邊架!!』

神要我係搞梗成長營當中,同時間處理多件事情,我都唔可以做到,我覺得自己好冇用!!『爸爸,對唔住呀!』

一個滿有慈愛的父親,擁抱住一個沒有自信、只有埋怨自己既女兒,此時此刻,我仲可以做啲咩黎去回應,神對我既愛同恩典呢?? (>_<”)??


14.6.06

多謝人、亦要多謝神!

今晚 Elsa 同我講,有位人士奉獻金錢比我去台灣短宣,我好開心呀 ~ !

雖然我唔知佢係邊個,暫稱佢為〝匿名人士〞啦!我真係好多謝佢,我亦都唔知佢奉獻左幾多比我,可能會係好少、好少,但都唔緊要,因為見到佢個份心意我已經好開心喇 ~

多謝你呀 ~ 匿名人!
多謝你呀 ~ 爸爸!! (^3^)

又一個奇妙的事情

我尋日同左同事分享左我星期六晚第一次帶人做決志祈禱。

今日,佢帶出左一個提議,〝不如 lunch time 抽半個鐘出黎,一班同事一齊搞個靈修〞
我聽到之後勁開心,神真係好奇妙呀 ~ ~
我越黎越鍾意爸爸喇 ~ 我愛你呀,爸爸 (^0^) ~!

點解我會咁高興??
因為我之前又有種感覺,爸爸要我喺公司發起Lunch time靈修既事,但我一次又一次咁唔記得同我同事講呢個異象,對唔住呀,爸爸!
就係今日我同事就有呢個提議喇 ~

神真係好奇妙呀 ~

爸爸,我越黎越鍾意你喇 ~ ! (^3^)

11.6.06

第一次帶人決志信主

我人生的第一次帶人做決志歸信主耶穌基督。
心情好興奮,又好開心!
阿柏返左教會兩個幾月,返小組已有四次。

今晚,我係回應詩歌既時候祈禱問爸爸:「我第一次跟進男仔,對我黎講,係有困難,但係我可以點做??爸爸你教我點樣可以同佢講〝神人罪因信〞我應該用速先配合到佢呢??」我祈完禱之後打開眼,阿柏就同我講佢想決志信主喇 ~

我同完阿柏做決志,之後同左 elsa 講我以上既說話,跟住佢就同我講:「佢係崇拜既時候都有種感覺要同阿柏講有關決志既事呀 ~ 」

嘩 ~ 勁爆開心 + 興奮呀 ~ ~

之後同左阿柏去飲野。