Timmy 生日

生日快樂呀 ~

E 癲 園 Family day

尋日兩點鐘組長會裡面學左啲野，醫治祈禱原來都可以探測生命，今次既組長會內容好吸引我去學習，因為我正在為我的組員醫治祈禱後，的探測生命。


組長會臨完結前 Elsa 為我祈禱，佢為我祈禱時，見到我喺一個好深既井裡面，佢見到我好努力咁靠住自己去到出口，但天父就係出口叫我比隻手佢，信佢會幫我。
之後我自己諗番呢件事，
第一) 我唔明係講梗咩比我知囉！
第二) 我明知係唔可以靠自己既能力架！點解我都要靠自己先？！
第三) 係咪講梗將來既野呢？
第四) 會唔會真係有啲野我靠左自己都唔知呢？


組長會之後就係 E 癲園合組 Family Day
今次既 Family Day 同以往既Family Day 好唔同，分別就係由五位組長負責，而我哋大能既牧者，就梗係要乖乖咁做參加者啦 ~


我既組員 Fio 負責 Welcome ； Timmy 負責 Worship；Duncan、Mon、Celia負責訊息嗰部份；我就負責報告。


出席既弟兄姊妹一共有27人呀 ~


感謝主，整個 Family Day 都進行得好順利，但我對自己既表現唔係咁好啫 ~ 我還可以做好啲架！！


事後我都收到唔少弟兄姊妹既回應同意見，多謝你哋呀 ~ ！黎梗我哋五位組長都會做番一個檢討架！所以你哋既意見係好寶貴架！！


好開心呀 ~ Kennis 喺尋晚晚崇決左志喇 ~ 我亦應承左同佢去食糖水，所以之後就同佢哋班大埔居民一齊去左大埔彩虹到食。


26號係 Timmy 既生日，佢都有一齊去食糖水，搭正 12：00am 時，我哋一齊唱生日歌 ~

Kennis 訣志！

今晚約左芷悠食飯，同佢傾小組既事、靈命、生命問題，我諗有啲方面都要向佢學習！

感謝主！
今日下午收到個 mail 令我好高興。
唔知點解我第一時間同 Kitman 講呢個好消息。
哈 ~ 哈 ~ 哈 ~
〝 interview 〞


好嬲自己呀 ~ ~
職業病令我錯失好多機會。
〝 自己電話號碼都可以打錯 〞


點解隻兔仔會咬住粟米既 ？？ (~"~)
哈 ~ 哈 ~ 哈 ~
又係我另一個好嚴重既無病。
〝 其實隻兔仔係咬住蘿蔔呀 ~ ~ 〞


第一次同 Kitman 出黎食飯，
嘩 ~ ~ 我哋兩個講野講到冇停過 ~
真係唔講唔覺，我哋都有幾多野相似個播 ~
哈哈，好開心聽到佢話想試返小組呀 ~
爸爸一定會幫佢安排既 ~ ~



P.S：好想快啲可以再同你出黎食飯呀 ~ ~

兩個鐘的電話

好耐冇同佢傾過咁耐電話喇 ~


今次同佢講電話個感覺好唔同，發覺佢開始了解我少少，原來佢默默喺度改變梗自己，而我睇住佢既轉變，就反映左我好似冇變過咁，搞到我有點兒內疚 ... ...


眼見佢一路一路改變、成長，我真係忍唔住讚佢，好好呀 ~ 要繼續努力呀 ~ ！！


我 小 氣 ？！ 我 記 仇 ？！ 我 唔 係 呀 ~ ！！
我祇不過想將件事解決啫 ~
我都唔想做嬲人嗰個，好辛苦、好唔開心架！！


我話過要向佢學習！！一定要做到！

口不對心

我唔要呀 ~ ~ 我唔要呀 ~ ~

Fio 問我：「你係咪真係唔要先 ~ ？！」

當時我唔知點答，我祇係發覺自己，真係好口不對心！

我一路比值口自己，我點解要？？

有咩原因令我要？？




口不對心

愉快嗎 無人看穿我靈魂
誰人像個快樂人 卻每天悄悄獨行
獨個等 原來也可以負人
明明共妳這樣襯 為何做了妳的良朋
若妳哭 怎麼可放心 讓我可替妳傷心
在這剎回望妳 回望我 逃避妳 太不幸

＊是我的口總不對心 若妳窺看我的心
誰在挽著妳的手跟妳前奔

誰都不懂這快樂人 長街之中看似多動人
紅燈差點到了 指尖卻要在等
從不開心這快樂人 談天說地卻怕這刻 勇敢做人
如若再壓抑心底愛 太苦困
仍像擦過了的路人 如何讓我倆這一刻再步近＊

若看真 原來眼睛有靈魂
為何獨個掛念人 怕痛苦卻要自尋
為妳等 旁人眼中快樂人
無人及我更愉快 無人望見我心下沉

Ｒｅｐｅａｔ＊

如何共妳說終於都放在心

誰都不懂這快樂人 長街之中看似多動人
紅燈差點到了 指尖卻要在等
從不開心這快樂人 談天說地卻怕這刻 勇敢做人
誰又會知我是假的快樂人
仍像擦過了的路人
明明是我倆手牽手才合襯

放 ... ... ... ... ？

我應該要 ... ... ... ... ... ...

放鬆 ... ... ... ...

放開 ... ... ... ...

放底 ... ... ... ...

放棄 ... ... ... ...

放手 ... ... ... ...

放聲大哭 ... ... ... ...

？ ？ ？

憎恨自己，心情指數偏低！

我終於經歷到，原來求爸爸一樣野之前，一定要經過好多既考驗。

我想放棄呀 ~ ~

但如果我放棄左既話，咪即係話，我連爸爸比我少少難關都過唔到，

咁爸爸點可以答應我既請求呀？！

我知道爸爸比我每個考驗，都知道我一定可以過得到，

點解我就因為咁少既事而黎到放棄呢？？

我知如果我選擇左放棄，即係叫自己去逃避。( 呢個就係以前既我 )

我好辛苦呀 ~ 我突然間好想做番以前既我呀 ~


***** ***** ***** ***** ***** ***** ***** *****

見完 Elsa ，知道自己喺事奉上面係做得好好、好出色。

Elsa 問左我一條問題：「點解我要事奉？？」我揾左好耐，我都揾唔到個答案。

係另一方面，我發覺越黎越唔了解自己，我覺得對自己既認識好陌生。點解會咁架？！( 好想發皮氣 ) 我好嬲我自己！點解咁大個人，都仲唔知自己係點！

突然間覺得好似有好多問題出現左，而我又冇去處理到，我感覺好混亂，有好多野要去解決，但爸爸話比我聽〝未係時候要我去處理。〞我真係好怕有一日，我會接受唔到，我要去面對既事實。

做完默想好累、記起好多回憶、好想喊、好憎自己呀 ~ ~ ~

真係好唔想面對呢個既我！

開始進行我的減肥計劃！

個女覆診

我今日返左半日工，下午攞左假，因為要陪我個女 Fio 返大埔那打素覆診。

我同佢食埋個 Lunch 先過去，佢終於拆左石膏喇，但佢隻手仲未好返架！！我好擔心佢真係會好唔小心咁整親呀！！

仲有呀 ~ ~ 見佢嗰個醫生都唔知仲嘜既？！講野一舊舊，我初時而為佢傷風啦，點知聽耐左佢講野，原來佢把聲根本就係咁！好有問題囉！！同埋問佢啲野，佢答番我哋既答案都唔知佢講嘜？！唉 ~ ~ 仲要 Fio 兩星期之後再返去覆診喎 ~ 好過份呀 ~ ~ ~ 有野又唔一次過睇晒喎？！都唔知佢想點？！

全是神的安排

今朝我10點都未夠就起左身，點知全屋都冇晒人，搞到我有少少想返教會午堂崇拜添！？望望個鐘，依 ~ 仲趕得切喎 ~ ！咁我咪慢慢梳洗囉，搞掂左之後就出門口 lu ~ 出門口之前，我同爸爸講左聲，今日就由佢安排我既一切啦 ~ 我一心諗住返教會祇係聽梁牧講道，我冇諗過 … … 會有咁多事發生架！！！


首先第一件事：
好開心呀 ~ 教會有個姊妹喺黎梗既2006年3月26日(日) 結婚呀 ~ ~ 感謝主！當我問到佢既婚禮會喺邊到舉行時，佢話喺番粉嶺神召會，嘩 ~ 爆高興啦 ~ 如果第二時，我既婚禮都以喺自己教會內進行就好喇 ~ ~ 話晒都係自己地方，喺到長大丫？！嗰種感覺一定會好正！不過，最故唔到既一樣野就係 … … 佢揾我做姊妹同詩班呀 ~ 嘩 ~ 超級、極度爆、爆、爆開心呀 ~ ~ ~ 哈 ~ 哈 ~ 哈 ~ 我第一次架炸 ~ ！


第二件事：
崇拜前，我識左個新朋友叫做 Ally！


第三件事：
崇拜後，我又識左個新朋友叫阿欣！

真係、真係好、好、好感謝主！多謝你呀 ~
爸爸！！我愛你！I LOVE YOU！

神的呼召

好開心，今日小組又有一位新朋友加入，應謝主！

今晚係梁牧講道，Topic 係〝是上帝聲音〞，但今晚梁牧好似不在狀態囉！而我又唔知仲嘜咩都聽唔入腦囉！！

直至到臨近尾升，梁牧呼召我哋出台前按手祈禱，就係呢一刻有好大既應覺係叫我叫 Fio 出去，我咪唯有問問 Fio 出唔出囉！？佢又好似想出咁喎，我咪話陪佢出囉！

同Fio 出到台前一陣到啦，我感覺到佢被聖靈摸著，我知聖靈係佢身上運行梗。

梁牧按手祈禱完左之後，我同 Fio 行番埋位啦，聖靈隱約叫我返到埋位之後，仍然繼續為 Fio 禱告。同時間，梁牧又喺台上面講〝大家返埋坐位之後，亦鼓勵各位弟兄姊妹為你哋身邊既人黎到去祈禱。〞

坐底左之後，我問左 Fio 少少感覺啦，之後我就再一次為佢祈禱。

P.S：我今次為到Fio 祈禱，嗰種感覺好大同好深刻，雖然當中有唔明既地方，但我哋仍然會繼續去尋求答案，繼續黎到依靠上帝，我哋全能既父！求爸爸祢做我哋腳前既燈，為我哋引路，教導我哋，使我哋明白祢話語，祢既指意。

突如其來的事件

本應今晚去樂富永光堂既奮興培靈祈禱大會，但下午五點三十分左右，我收到 Fio 來電，佢發生左少少意外入左大埔那打素醫院。

我收到佢電話時都好定冇咩野，但一同 Fio 收左線之後我就開始唔知想點喇 ~
我好想去陪佢，但佢又同我講唔駛去，佢冇事 ~ ~ 我知、我知佢冇咩事，但我見一見佢，我個心都安樂啲啦 ~
喺我最做唔到決定既時候，我打左比 Elsa ，我亦衝口而出講左一句說話：「冇野比我組員梗重要囉！我會選擇放棄去奮興培靈祈禱大會。」
就係呢個決定，我喺公司早走左，趕入大埔那打素。

去到大埔那打素見到 Fio ，佢冇嘜事，只不過隻手打左石膏啫 ~
睇佢表面都冇咩傷，我喺那打素逗留左一陣陪 Fio 。
我聽 Fio 講番意外件事，我發覺佢既情緒係未出到黎，我有少少擔心，
臨走前，亦為 Fio 做左個祈禱我先離開。

到左十點半左右，我打比 Fio ，佢同我講，諗番件事開始覺得驚，佢又怕今晚瞓唔著！
我既能力做到幾多，我都會幫佢，因為佢係我個女黎丫麻！！

今晚我靈修時，為到 Fio 同佢幾位既朋友黎到去禱時，我聽到一首歌！
嗰首歌係〝偶然遇上的驚喜〞

〝偶然遇上的驚喜〞

曾經 踏遍路途千萬里
途中 跌到過 攀不起
無望的心感困累
全然交瘁無助身軀早已沒有力氣

徬徨中 遇見熱誠的膀臂
人潮中 踫到您 多驚喜
前路即使千尺浪 得您在身旁
縱使呼呼風雨 仍覺甚美

能在絕望孤單中 偶然遇到您
是我根本不配受的福氣
來日禍困迎面 滿途挑戰
能贈我勇氣 完全是您

(年月縱過去 未忘掉您)

今晚的靈修

今晚唔知仲嘜，坐又唔係、企又唔係、都唔知想點？！


最後我就走左去靈修，我睇左荒漠甘泉二月九日嗰篇
http://www.21music.org/NEW/BLESSING/desert/desert02.htm#二月九日
睇完既時候，我感覺到爸爸有野想話我知。


當我祈禱既時候，感覺到自己好似喺天空中，好舒服，有一種軟棉棉既感覺，我同爸爸傾左好多野，講左好耐，
1. 我自己事奉、工作、感情、身體
2. 小組、我每一個組員
3. Sum 方向
4. Kitman 工作、感情及信仰
還有 ... ... 不能盡錄！！

爸爸冇逐個回應我，但佢同我講左樣野另我當時好深刻。


爸爸話：「女，去做你想做既事啦，我知你做每件事都係黎傳揚我、榮耀我，我係知道架！你放心做啦，我會一直喺你身邊比支持、比力量同幫助你架，放心去做吧！！知道嗎？？」

接住爸爸繼續再講：「你唔係講過要喺星期日開多組架咩？！點解冇晒聲氣架？！你聯絡番啲你曾經認識過既新朋友啦 ~ 」

聽完爸爸比我既回應，有明有唔明啦。
第一) 做我想做既事？？係咩事呢？？
第二) 你又知道我將星期日開新組既事，擺埋左一邊既？？(抓頭)
哈哈 ~ ~ 爸爸你真係無所不知呀吓？！
第三) 我知你有野要我做架喇！！
第四) 我終於明白二月九日既荒漠甘泉講咩喇 ~ 佢答左的之前問過爸爸既問題架！！

多謝你呀 ~ 爸爸！



P.S：『耶稣卻一言不答。』（太十五章二十三節）
　『祂……必……默然愛你。』（番三章十七節）

『我默然愛她，因為我愛她的心不是言語所能表達的，也不是人心所能領會的。』




今次既靈修令我得醫治、得安慰、得鼓勵！

春田花花同學會

今晚去左沙田 UA 睇春田花花同學會，

嘩 ~ 好無聊呀 ~ ~

哈哈 ~ 但我又喜歡喎 ~ ~

我似豬兜(嘜兜)？？無可能！！哈 ~ 哈 ~ 哈 ~

Elsa話離遠認唔到我，話我瘦左？！

哈哈！無可能 ~ ~

身體狀況繼續欠佳

今朝我又肚痛喇 ~ 不過無尋日痛得咁勁，但我都晏左返公司，我11：30am先返到去。
因為我又痾喇 ~ 痾完個肚都舒服啲。

我今日自己帶飯返公司食，lunch食完我又痛左陣，唉 ~ ~

希望快啲好番啦 ~

P.S：計埋今日腰骨連續痛左三日、肚痛痛左兩日！

腸胃問題

今早 5：00am 開始肚痛，痛到瞓唔到！碌黎碌去，都唔知想點？？

直至到 8：20am 我常試起身返工，但唔得，真係好好好痛呀 ~ ~

到左 8：30am 唔得喇，一定要起身返工喇 ~

一起床，我就為自己做左一個醫治禱告，

祈完禱之後就行左入廁所，點知 ... ... 我就即刻嘔，爭啲就搞到成地都係。

嘔完好似舒服左啲喎 ~ 但個肚仍然繼續痛梗 ~

我搭火車去到九龍塘又要痾、又有少少想再嘔！

到搭地鐵時，一直我都好想嘔，直至返到公司都係咁！

我食左個茄蛋麥飽做早餐，之後又有啲肚痛喇 ~ ~

我有少少唔敢食野呀 ~ ~



總結：今天是又痾、又嘔的一天 ！！！

P.S：請大家為我祈禱吧！！

腰骨痛

仲咩事條腰骨又會痛番架？！

發生咩事呀 ~ ？！

我已經好耐有痛架啦 ~ ~

點解會咁架？？

《 與阿sum的門訓 》、《 我的小組 》、《 第二次領聖餐 》

《 與阿sum的門訓 》
今日約左阿sum 3：00pm做門訓，當中傾左好多野，感謝神！
今次見到佢，我感覺唔同上次見佢，我覺得佢開心左、輕鬆左！
我亦同佢講左，我同佢門訓我自己既感覺！


***** ***** ***** ***** ***** ***** ***** *****


《 我的小組 》
今日小組得兩個人炸！！
Fio 肚痛返唔到黎開組。
Wai Wai & 阿耀又要去拜年。
Ling 返唔到。
Yan 失蹤左。
所以今日小組得番我同Tif。

開組前我有諗過放棄今次開組或同其他組合併架！
但我冇咁做到。
我亦有一刻，對小組好灰心，
但我有信念。

我而家唯有繼續依靠神，依靠爸爸比我既信念，繼續為小組付出更多，愛我啲仔女更加多多！！

P.S：真情流露 ----- 〝我呢個星期的心聲〞
我對小組真係有灰心過既時候，但就係因為我有好強既信念，所以我冇放棄過我小組，更加唔會放棄我啲組員！好多弟兄姊妹都睇到我好既一面，例如：靈命成長得快、出擊出得多、同組員打成一片等等 ... ... 但當我趺到、遇到困難、灰心及無助時，又有邊個會知道？？我都經歷左好多野架！！我相信爸爸唔會唔理我、佢一定會幫我、幫個小組、佢會睇住我、佢會幫我安排一切 ... ...

爸爸：我係唔會咁易放棄架！正如你唔放棄我一樣；我都唔會放棄我小組同每一個組員，因為有你，我呢生都會依靠你架喇 ~ ！


***** ***** ***** ***** ***** ***** ***** *****


《 第二次領聖餐 》
兩個字講晒。 ........................................................ 好震！！

Happy Day

今日返半日工都唔知有冇！
10：00am 點返到觀塘，12：00pm 走人！返得兩個鐘。
之後去左旺角揾個 fd 食Lunch，食到兩點！
我約左 Fio 同 Lee_Fish 2：15pm 去唱k，唱到 5：00pm 。
跟住去左行街，哈 ~ 我買左份禮物呀！希望佢鍾意啦 ~
行到九點幾去搭巴士返上水，
返到上水都成十點幾，原本諗住去食埋糖水先散架！！
但我唔舒服，所以就冇食到喇 ~

BBQ

今晚同E-ZONE 既一班弟兄姊妹去左大尾督BBQ。
好多人呀 ~ 有成廿幾個，當中有幾個都好耐冇見喇：大芬、LEO、DAVID、DEREK ... ...
亦識左一位新朋友：KITMAN

好開心呀 ~ 好似好耐都冇同佢哋一齊出黎玩喇 ~ 哈哈！！