多了一個 201

好開心！Fio 過了201 喇 ~

目標係 Q 嘜！

下一步係 301 ，Fio 努力呀 ~

你組長我支持你呀 ~

Q 嘜

我成功考過 Q 嘜喇 ~ ~

哈哈！

感謝神！！

P.S：Q 嘜喎 ~ 優質黎個播 ~ ~

希望我啲組員都以 Q 嘜黎做目標啦 ~

放心啦 ~ 你哋組長我！一定會幫你哋架！！

好開心

今日返到公司，我三個同事都讚我個髮型好好睇呀 ~ yeah！

好開心！！

Lunch 之後我同 Ripple 去左行街，行左成個幾鐘先返公司！哈 ~ 哈 ~

爆開心！！

我終於買左部屬於自己既電話喇 ~ 呵 ~ 呵 ~

真係、真係好開心呀 ~ ~

新形象

今日我提早左收工，因為我要去電髮。

我之前諗電定唔電都諗左好耐，我估都有兩個幾月喇，因為我要喺我時間表到抽三個幾、四個鐘出黎，又要夾幫我電髮個師傅既時間喎 ~ ！真係好難夾架！！終於決定左喇 ~ 今晚走去電，我由7：00pm搞到10：00pm 之後先去食晚飯，整梗頭髮個時我覺得啲時間過得好快，話咁快就電完喇 ~ 電完之後都尚算滿意啦 ~ 我好想快啲聽吓民見呀 ~

死啦 ~ 瞓唔著添 ... ... ... ...

P.S：期待大家見我的一刻！！哈 ~ 哈 ~

06年同阿sum的第一個門訓

上兩星期唔知點解我覺得，同阿 sum 既師徒關係好似好陌生咁，我開始問自己，其實係咪我自己做得唔好？！我有冇資格去教呢個徒弟？？同佢做左門訓咁耐，我好似冇咩教過佢？！每一次門訓當中佢又學到啲咩呢？？慢慢開始有好多問題浮現左出黎，我開始發覺，我腦裡面全部既問題，都係我自己諗出黎，點解我突然間會對我同阿 sum 既師徒關係冇晒信心架？？發生咩事呀 ~ 冇事發生過丫！點解會咁架呢？？

今晚，我約左阿 sum 做門訓，起初我自己感覺好唔咁自然，但做吓做吓，好好多喇 ~ 感謝神！今次既門訓，令到我可以更加深入了解到，存在喺阿 sum 內心既問題，整個門訓做左一個鐘九個字，同阿 sum 既門訓臨傾完既時候，我叫左阿 sum 自己開聲，講出佢而家喺心裡面好想同天父講既說話同感覺，之後我再為佢祝福祈禱做結束。

我為阿sum 祈禱既時候，我見到一個畫面，我見到爸爸喺阿 sum 身邊掃梗佢背部，我睇到爸爸係好疼阿 sum 架！！

爸爸，你要睇住呢個女呀 ~ 我將佢交比你喇 ~ ！

Derek爸爸離開了~

Derek 係我一位主內的弟兄，今天十一點左右睇到Hoiling、calia 同阿漢既日記都寫了Derek 既事，我亦喺 Celia 既日記中知道今晚6：00pm 會為 Derek 開個祈禱會，可惜！我去唔到，因為我6：00pm 先喺觀塘收工，返到粉嶺都成7：30pm。

到左下午兩點幾三點到，阿漢喺 MSN 度問我會唔會去今晚個祈禱會，當時我都同佢講唔會喇 ~ 都趕唔切！！同阿漢講完之後，聖靈就叫我〝不如你打個電話比呢位弟兄啦！〞，我諗都冇諗，我就攞起左部電話打比 Derek ，聽到佢把聲我安心左少少，同佢傾傾吓先知，原來佢爸爸已經喺今朝零晨4：00am 離開左！我問 Derek 除我之外，仲有冇人知道呢個消息，佢話未有人知，我問佢介唔介意我同其他弟兄姊妹講，佢話好！之後我通知左 Mon、Duncan、Timmy、Celia 四位組長。我亦同 celia 商量今晚個祈禱會可否改 8：00pm 先開始，因為如果 8：00pm 先開始我相信大多數弟兄姊妹都能夠出席到。最終我哋都決定左改為8：00pm 開始。

今晚 Total 有18位弟兄姊妹黎到我哋當中，感謝神！
排名不分先後：Yee、Celia、Shan、我、Timmy、Fan、Jacky、Duncan、Howard、阿漢、Haze、Hoiling、Tobi、阿豪 ... ...
當我為到 Derek 祈禱既時候，我感覺到個身有好大、好大既壓力壓住我，繼而令到我頭好痛！起初我而為係我自己 feel 錯，點知當我一開聲為 Derek 禱告既時候，我發覺我講既每一隻字都好有力，當我講到我感受到嗰種既壓力同痛楚既時候，我就 feel 到佢哋慢慢咁離開梗我。之後先知道原來 Duncan 同 Celia 都有同樣既感覺。

整個祈禱會用左個半鐘既時間！我相信爸爸一定收到我哋一班弟兄姊妹，為 Derek 同佢既屋企人既禱告！！

我們認為是負面的事，神卻有正面的回應！

我們每天身邊都會圍繞著很多的機會，包括愛的機會。
可是我們總是因為害怕而停止了腳步，結果機會就溜走了。

我們因為害怕被拒絕而不敢跟人們接觸；
我們因為害怕被嘲笑而不敢跟人們溝通情感；
我們因為害怕失落的痛苦而不敢對別人付出承諾。
　
請珍惜生命
我們認為是負面的事，神 卻有正面的回應
　
你會說：「這是不可能的。」
神卻說：「凡事都能。」（路 18:27）


你說：「我太累了。」
神說：「我給你安息。」（太 11:28）


你說：「沒有人真正關心我。」
神說：「我愛你。」（約 3:16; 約13:34）


你說：「我支持不住了。」
神說：「我的恩典夠你用。」（林後12:9; 詩91:15）


你說：「有很多事情，我不能解決。」
神說：「我必指引你的路。」（箴3:5-6）


你說：「我不能作這事。」
神說：「你凡事都能作。」（腓 4:13）


你說：「我不能。」
神說：「我能夠。」（林後 9:8）


你說：「我不能原諒自己。」
神說：「我寬恕你。」（約壹1:9;羅8:1）


你說：「我應付不來。」
神說：「我會供應你的所需。」（腓4:9）


你說：「我很害怕。」
神說：「我賜給你的，不是一個膽怯的心。」（提後1:7）


你說：「我經常憂慮和沮喪。」
神說：「將一切的憂慮卸給我。」（彼前5:7）


你說：「我的信心不夠。」
神說：「我所分給各人的信心，是我量度過的。」（羅12:3）


你說：「我不夠聰明。」
神說：「我給你智慧。」（林前1:30）


你說：「我覺得很孤單。」
神說：「我總不撇下你，也不丟棄你。」（來13:5）

想要是一種痛苦的事
需要是一種快樂的事
需要的不多，想要的太多

┬♀─┬─┬─┬─┬─┬─┬★〝
─┴┬ 生活不單會有快樂 也一定會有痛苦┴┬┴┬
┬┴┬事情不單會有成功 也一定會有失敗 ┬┴┬┴
┬┴┴性格不單會有圓滿 也一定會有缺陷┴┬┬┴
┬┴┬戀愛不單會有甜蜜 也一定會有心酸┴┬┴┬┴
┴┬┴有時候 我們等的 並不是機會 而是釋懷┴┬┴┬
┴┴┬選擇不難 難的是 下定決心的那一刻┬┴┬┴
─┴─┴Made with... 緣份是找到包容你的人 ^o^┴★〞

終於解禁喇 ~

感謝神！啱啱過去既禁食週終於完滿結束喇 ~

好感恩，我成功左呀 ~

《 我 的 禁 食 餐 單 》
- 一日三餐，我只食一至兩餐， 但1月14日星期六就禁晒早、午、晚三餐。
- 禁飲凍飲品
- 禁食零食(朱古力、薯片、糖 ... ... )
- 禁食下午茶
- 少食肉、我飲水！

禁食頭嗰一兩日我覺得好辛苦，我難忍口， 但都好感謝神，因為有佢，我先可以忍到口。

Thanks Father ~

被聖靈充滿了的我

今日小組第一次喺1700 ~ 1900開組呀 ~ 雖然感覺有啲孤單同冇飯食，但唔梗要，因為我見到班組仔、組女好投入同享受開組既時間，好開心，今次開組又有一位新朋友加入！哈 ~ 哈 ~ 多謝爸爸將得救的人數天天加給我們！Yeah ~

***** ***** ***** ***** ***** ***** *****

今晚晚崇敬拜既時候，我又一次被聖靈充滿，其實被聖靈充滿對我黎講，係一件好平常既事，但今次比我既感覺係好強烈。敬拜完左之後，就係小 sir 講道，今晚個講題係「獻上最美的」，成編道小 sir 講左好多例子，其中一個例子係話佢初信主 → 施洗 → 讀神學，佢話佢媽咪對佢既信仰一直都唔讚同，係由好嬲 → 無奈 → 接受，小 sir 用左聖經人物黎比做喻，佢話佢媽咪起初就係猶大 → 門徒 → 馬利亞，由好唔鍾意基督教至到連佢自己都信埋主，真係睇到神既工作，另到一個人既改變，小 sir 同佢媽咪呢個例子，就正正反影梗我同我媽而家既事，就連小 sir 講既每一個字都一模一樣。我一直都冇埋怨天父，點解要我經歷同我媽之間既衝突，我反而會默默為我媽禱告，我相信總有一日佢明白我，我相信爸爸一定會改變到佢。就喺呢一刻，我有一種好強烈既感覺，個種感覺話比我知〝牧師好耐都冇呼召我哋出去台前按手祈禱！〞，點知，到左接近尾升既時候，小 sir竟然呼召我哋出去台前，為我哋按手祈禱，個一刻我有好大既推動力叫我出去，以往出去按手祈禱既時候，我都未試過有咁大推動力要我出去，小 sir 呼召完之後，我諗都冇諗就行左出去喇 ~ 我一路行出去既時候，我 feel 到自己全身都震得好勁，行到出去企定左，我又 feel 到自己個身體不斷搖動，好似企唔到咁失平衡，我全身都仲震梗，直至到 Elsa 為我按手祈禱，我先開始冇咁震，但 Elsa 為我祈完禱之後，我又開始震番。跟住我行番埋位坐，當時，我唔知點解唔想行入人群中，我好想靜吓，所以我就自己一個坐埋左一邊。坐吓坐吓我好想喊，但我問自己〝我點解要喊？〞〝我為左咩事黎喊？？〞我真係諗唔到個答案，之後我就喊唔出，呆左咁坐喺度。有人行埋我身邊，我個心就會講〝唔好行埋黎、唔好行埋黎！〞我唔知點解我會咁驚？！冇幾耐，梁牧行過我面前，佢問我〝仲咩咁呆滯？〞我當時都唔知點答佢，跟住就同梁牧行左埋一邊傾計，我祇不過講左好少、好少既野比佢知，1. 我今晚被聖靈充滿既事。2. 我中秋節所發生既事。我講完之後，梁牧就問左我一個問題，〝你有冇將呢件事交比神？〞佢問完我之後，我真係諗左陣先答梁牧，〝係喎！至從發生事，我一直都只係識得依靠神，我真係冇真真正正咁將件事交托比天父〞，梁牧就即時問我，〝咁你願唔願意將呢件事交比神？〞呢一刻，我有啲唔明，係咪真係話交就交到呢？！係咪話放底就可以放底呢？？接住梁牧又再一次問我〝你願唔願意將件事交比神？〞我答左〝願意！〞跟住梁牧就叫我開聲話比神知，然後佢為我祝福祈禱。梁牧用方言為我祈禱，佢一路為我祈禱，我就一路捉住自己隻手好實，我從未試過祈禱時捉到自己隻手咁好實架！！再加上我啲眼淚不斷湧出黎，因為梁牧身份轉左，係爸爸親自同我講叫我將我既恐懼、我既不安、我既經歷一一咁交晒比佢，佢想我活得開心同豐盛既生活，我好記得爸爸叫過我三次女兒，最後一次叫我女兒既時候，佢又一次問我〝女兒呀！你願唔願意將你而家心裡頭個種恐懼同回憶都交埋比我？〞當時我真係有開聲黎到去回答爸爸〝爸爸，我願意呀！〞我答完之後，梁牧又再繼續講方言，隔左陣，梁牧話見到一個圖像，佢話見到一啲負面既野喺我身上開始慢慢咁脫落，就喺梁牧講梗呢句同時，我 feel 到自己隻手好自然咁慢慢、慢慢咁放鬆，直到整個祈禱完左之後，梁牧問番我感覺點？我話真係舒服左好多，好似原本著住一件好重、好重既外衣，而家個種感覺就好似將件衫除底左咁，成身輕晒！同梁牧傾完之後，我就去番人群中，此時，Elsa 話我，〝點解你硬係對住我唔開放既？！你知唔知我頭先為你按手祈禱時，一片空白呀！！咩都睇唔到呀 ~ 〞Sorry Elsa 我都唔知點解？！我都唔想呀 ~ 之後我開始覺得好累，就連企都冇力，我咪坐左一陣，但我又唔知點解，自己喺度發呆！！之後我同Elsa、Duncan、Timmy、Jacky五個人去左食野！食野時，我真係為左食而食！未有得食或食完既時候我又再一次呆滯。我仲仍然覺得好累呀 ~ 返到屋企，我真係累到即刻瞓左上床，但我又唔係眼瞓個隻喎！自己喺張床到靜左一陣，我又想喊喇 ~ 不過又喊唔出呀！跟住我又諗番起爸爸透過梁牧同我講既野，呢一刻，我感覺到爸爸喺我身邊，我 feel 到我係爸爸既懷抱當中，嗰種感覺好溫暖、好平靜 ~
P.S：今次既聖靈充滿，令我有好大既體會！！

《 向主呼喊 》
耶穌，我救主，你至聖有誰能比，一生一世 我要頌揚，你不可思議的厚愛
慰解者，護蔭者，作我力量避難所，我的全人一息尚存，不會停止的敬拜你。
諸天頌讚，向上主呼喊，因祂配得能力尊貴頌讚，
高山下拜與大海呼嘯，在你聖名的響聲，歡欣頌讚，因見主的作為，
我愛慕你我此生不變改，因你對我的應許，有何能代替。

《 我的心，你要稱頌耶和華 》
我的心，你要稱頌耶和華，不可忘記他的恩惠，
祂赦免你一切的過犯罪孽，醫治你疾病復原。
我的心，你要稱頌耶和華，不可忘記他的恩惠，
祂以仁愛慈悲為你冠冕，為受屈的人伸冤。
天離地有何等高，祂的慈愛也何等的深，
東離西有多麼的遠，祂使我的過犯離我多遠。
耶和華有憐憫的愛，且有豐盛無盡的恩典，
從亙古直到永遠，耶和華祂是我的神。

記憶

近呢個星期，我腦海時不時都浮現番，中秋節當日發生嗰件事既過程。我唔知點解會咁，我好似喺度睇番一啲片段，睇到某啲位既時候，我就好驚，我唔想再睇落去喇，因為我接受唔到。為左呢件事，Elsa都有好幾次提議過幫我做抽離，但每當我同佢約好時間之後，又會有環境或心理因素受到影響而做唔到。我係咪真係要做一次抽離呢？？我真係唔知？！做定唔做？！我相信呢件事，已經成為左我既陰影，我應該點去面對？？我可唔可以洗腦呀 ~ ~

我的小組增加了一個101

好開心呀 ~ 我愛的組員 Fio 成功考過101喇 ~ 恭喜晒！

唔知幾時又會有第二個101既誕生呢？？

期待中 ... ...

改名換姓

我的小組名稱：
由今日開始，旺丁旺靈 →會更改為→ E 靠祢

簡介：
一班熱心愛主的基督徒，願意一起成長，互相扶持和鼓勵，活出愛神愛人的使命！！

小組名稱的意思：
1. 我哋一齊依靠神
2. E-ZONE 靠晒神
3. E 癲園靠晒神
4. 我哋大能既牧者 Elsa 都靠神

請特別注意：
我哋係用呢個(祢)，並唔係呢個(你)
因為我哋要靠神(祢)，而唔係靠人(你)！

感恩 + 遊蕩的一天

〝感恩〞
今日2：59pm 收到 Fio 的 SMS ，我先知道原來佢都有參與禁食祈禱！好開心呀 ~ 我眾多組員之中，佢係第一個話我知參加左禁食既一個呀！！感謝神！！

***** ***** ***** ***** ***** ***** *****

〝遊蕩的一天〞
今日公司真係得閒到冇野做！我12：00pm食飯，食到1：00pm，之後出街行左成個半鐘先返公司，返到公司2：30pm，跟住就喺公司遊遊蕩蕩喇！得閒又玩吓 SMS 哈 ~ 哈 ~ 真係好得閒！！你話死唔死！？

組長激勵大會 + 禁食祈禱週

〝組長激勵大會〞
今日下午係組長激勵大會，有出席既組長同實習組長有：我、Timmy、Duncan、Celia、Mon、阿漢、Hoiling、Haze 同 Jacky，好開心丫，唔知點解個種感覺，好似一班組長同實習組長相聚既時間，我自己覺得就有好似好耐冇見既 Mon、Hoiling 同阿漢，雖然唔係好多同佢哋對話，我見到佢哋既時候我真係有呢種感覺。

喺組長激勵大會當中，我同 Timmy 都有份攞獎！因為我哋喺半年時間內由6個人爆升到13人，感謝神！

丫 ~ ~ 張嘉許狀打錯我個詠呀 ~ ~ 我係呢個〝詠〞佢哋打左我呢個〝穎〞呀 ~ ~ 救命！！

Dear Mon、Duncan、Celia,
你哋都要爆組呀！！你哋都得架，我會為你哋祈禱架喇 ~ 出年我哋要攞機票一齊去泰國！！yeah ~ 泰國、泰國、泰國、泰國、泰國、泰國 ... ... ... ...
至於 Timmy 同 Suki,
要繼續努力呀 ~ ！為主得更多、更多既羊呀！！加油呀 ~ 我哋都要去泰國呀 ~ ~ 泰國、泰國、泰國、泰國、泰國、泰國 ... ... ... ...

P.S：打到呢度，Suki 已經癲左喇 ~ 因為呢兩日實在太開心喇，請大家為我禱告吧！！哈 ~ 哈 ~ 哈 ~



***** ***** ***** ***** ***** ***** *****

〝禁食祈禱週〞
由今日開始直至到1月14日(星期六)都係禁食週，請大家為一班參與左禁食祈禱既弟兄姊妹黎到去禱告(包括我)，給與支持和力量，多謝！！

超級、極度、開心 + 感恩的一天

今日下午原定九個字車程可以返到教會，點知 ... ... 足足用左兩個半鐘由觀塘返粉嶺，好慘！喺巴士上面好無奈，又唔知幾時先開得車，咪唯有攞部手提電話出黎囉，我打左比 Fio ，感謝神！有佢陪我，對話中佢亦講左一個喜訊比我知！個喜訊就係：阿 Ling 媽咪本來今晚唔比佢返晚崇架！之後我哋咪為阿 Ling 祈禱，到左今日阿 Ling 媽咪應承比佢返喎 ~ 真係好感謝神呀！呢樣係我第一件感恩既事。

我返到教會都五點多了，一返到去咁啱喺 Office 撞到 Elsa ，佢叫我落 Timmy 嗰組開組，因為佢哋得三個人，咁我咪去囉。去到 B105 見到有三位男士，當中包括 Timmy、Jacky、Dick ，之後就加多一位女仔，嗰個就係我喇，哈 ~ 哈 ~ 哈 ~ 我第一次用嘉賓組員身份返 E 學院，個種感覺好似好輕鬆，可能係冇野要做啦。同三位男士開組都幾好架，雖然有時佢哋講既野我會有唔明既地方，但我唔介紹囉！反而我唔明就會問佢哋，盡量溶入佢哋話題當中囉！仲好添，令我可以識多更多野！！結束祈禱既時候，我都估到 Timmy 叫我做架喇 ~ 果然不出我所料，哈 ~ 哈 ~ 哈 ~
P.S：今次用嘉賓組員身份參與 E 學院小組，我諗我都有啲回應比番佢既 ~

開完組之後，經過幼稚園，見到 Duncan 嗰組喺度開梗組，我第一個反應就係〝嘩 ~ ~ 好多人呀，感謝神！〞諗番起上星期六晚，為 Duncan 小組祈禱既事，又望見眼前的情況，又一次感謝神！呢樣係我第二件感恩既事。
P.S：Duncan, 你都得架！！我仍然會繼續為你祈禱架！Yeah ~ 我真係好開心呀 ~ ！

食飯時睇到新聞，講番下午粉嶺件事，原來係六車連環相撞呀 ~ ！

食完飯之後我哋一齊行返粉神，途中我同阿漢一路行一路傾，我同佢講番之前我為佢祈禱既時候，我所見到既景觀，跟住都聽到佢既分享。
P.S：阿漢，雖然未能夠當場為你祈禱，但我都仍然會為你禱告架！！有機會再同你一齊祈禱丫！！

今晚編道其實我25號已經聽左架喇 ~ 不過冇所謂啦，咪就當返黎領聖餐同識新朋友囉。
第一次領聖餐嗰種感覺 ... ... 係 ... ... ... ...
好開心，今晚真係比我識到一個新朋友，佢未信主架！但佢又有心喎！感謝神！呢樣係我第三件感恩既事。

返到屋企，我為感恩既事多謝爸爸都用左半個鐘至九個字，嘩 ~ 實在太多喇！哈 ~ 哈 ~ 之後就為左好多人黎到去祈禱。

旺丁旺靈成立日

新一年，第一次自己坐正做組長開組，個種感覺都幾舒服個喎？！哈 ~ 哈 ~ 哈 ~
唔講廢話！講番我想打既日記先 ~ ！
點解今日係旺丁旺靈成立日？？因為今晚係旺丁旺靈第一次開組，心情很平淡。

開組前有少少阻濟，我 book 左 Rm 302開組，之後恆哥又話有人用，恆哥叫我落副堂，佢話副堂一定冇人用，所以我哋咪要遷移囉！正諗住正式開組既時候，又有人走黎話 book 左副堂，當時我有啲無名火起，但我都要忍，跟住又要離場，好彩多得阿海幫我，最終我揾到落腳地方喇，就係輔談 A 室(即係輔導室 A )，終於真係可以正正式式開始喇 ~

今晚黎到開組既有我、 Tif 、 Fio 、 Shan 、同埋新朋友阿 Ling ，好開心呀，第一次開組有五個人，感謝神！

第一次既 Welcome 同 Worship係由 Tif 負責，嘩 ~ ！ Tif 比我想像中做得好好呀 ~ 佢好叻女呀 ~ 我果然冇揀錯人呀！！哈 ~ 哈 ~ 哈 ~ Worship 部份阿Shan 唱到唔捨得停呀！

小組當中，我都有講番我近日工作既事比我啲組員知，因為我而家呢份工作，有可能會導致我，日後逢星期六都開唔到組既原因，所以大家一齊去諗一個方法去解決，而家決定左喇，都係逢星期六開組，但時間就會改為1700 ~ 1900，佢哋話呢個決定直至我轉工為止喎！眼見佢哋因為我既事，影響到開組，而要令到大家為我諗一個最好既方法，好感動呀 ~ 佢哋好乖呀 ~ 感謝神！我既力量同支持，係由佢哋比我架！！

喺小組臨到尾聲既時候，我本應諗住為佢哋代禱既，點知阿Shan突然提出用靈感式既禱告，我當時O左咀囉，我唔係怕靈感式禱告，我O咀既原因，係因為估唔到阿Shan會提出用呢種方式啫 ~

好開心，除左阿新朋友Ling之外，每個人都有開聲禱告，感謝神！靈感式祈禱完左之後， Tif 同 Fio 分享左少少喺剛才靈感式祈禱既事，今次唔單止係祈禱咁簡單，因為佢哋都喺靈感式祈禱當中，各有得著同感覺。

小組完左之後，我忍唔住手打比 Elsa 分享我既喜悅。



P.S：真係好開心架！！
打到呢到為止，我身、心仍然係笑梗架！！哈 ~ 哈 ~ 哈 ~

Relax 的一天

今朝我媽同家姐去同我姨媽、、舅父、舅母個啲喺大埔飲茶，我就冇去喇，因為我有節目！哈 ~ 哈 ~ 哈 ~

今日12：35pm去左沙田UA睇〝哈利波特火盃的考驗〞幾好睇丫！又有笑位，又有啲令人感觸既地方。睇完戲都成3：15PM，之後就去左食野，夜晚就出左旺角行街，街到9點幾十點，跟住返左大埔食野，(我都唔知呢餐叫做晚飯定宵夜？！)

嘩 ~ 返到Home都成點幾喇 ~ 聽日返工一定冇精神兼好眼瞓！！

新一年、第一日、第一次感覺到神的同在！

我啱啱先返到屋企炸！好眼瞓呀 ~ 但我又好想將今日既事打左上日記先喎，所以我咪要挨眼瞓囉。

今日全日我都同媽咪一齊出左西灣河，我又一次經歷到神既同在喇 ~ 我今次真係好想同媽咪講：「係有天父既保守架！」但我冇勇氣去同佢講！！

今天媽咪喺工作上遇到有啲衰人搞出黎既阻滯，眼見媽咪係好嬲、好激氣，而我又冇能力幫手時，我為有默默地為她禱告！我亦要保持一個清醒狀態協助我媽。
整件事，我覺得又一次實實在在咁感受到爸爸喇 ~ 好開心呀 ~ ~


寫住咁多先早抖！！

E 學院的最後一日

今日返小組既感覺好唔同，因為係我同 Tif 喺E 學院既最後一日，下星期我就會帶住 Tif 開另一組喇 ~ 學 Tif 咁講：『我哋要做得好好睇睇呀！！』

回顧番呢半年，睇到一班組仔組女既成長，我真係好開心，因為呢個係我半年前初做實習組長既期望，而家？？搞掂左啦 ~ 日後，就要睇 Timmy 喇！ Timmy 組長辛苦你喇 ~

組仔阿Dick，喺E 學院裡面，佢係唯一一個係我親手栽培佢、帶佢入組既組員。都好希望佢能夠盡快達成佢既短期目標啦。

至於組長Timmy，學佢咁講：『一切在心中！』 ... ... ... ... ... ... 我先唔會呀 ~ ！
係E 學院裡面，佢係唯一一個幫左我好多野既人，真萬分感激！
諗番起九月(中秋節)既事，我足足用左個幾、兩個月既時間去康復同企番起身。我真係好多謝佢，因為喺我跌到最傷、最痛既時候，佢都樂意付出佢既寶貴時間黎到去安慰我、幫助我 ... ...
每當我迷路時，佢都會帶我行番去出口。
喺我不顧一切、不理後果要跌入陷阱時，係佢鬧醒左我，我仲好記得嗰次佢係第一次溫柔地鬧我！係佢拉番我出黎。
同佢拍擋左半年既時間，話多唔多；話少唔少，自然就會同佢發生衝突，每次所發生既衝突都唔知係好事定壞事？！
壞事 → 1. 因為衝突：會好容易令到我倆之間既感情破裂
好事 → 1. 透過衝突：令到大家更了解多左對方
2. 透過衝突：見到大家既價值觀
3. 透過衝突：知道大家既底線
喺衝突期間，我曾經不斷問自己無數咁多次，其實呢啲係咪我倆之間既考驗？？係咪當兩個人越了解對方既時候，就會有越多衝突發生？？點解我同佢之間會有咁多衝突發生呢？？
無論點都好啦 ~ 多謝佢。



P.S：臨走前，我先發覺到有一樣野，令我遺憾 ... ... ... ...