原來今日係 ... ...

今日兩點半要返教會出撃架，但我因為星期三到星期六我都冇返屋企食飯，搞到媽咪唔係咁鍾意，我唔想再同媽咪個關係搞到更加嚴重更加差！我星期六原本諗住唔返晚崇架！但我走唔到，咪唯有晚崇完左為芷悠祈埋禱我先即走囉！！而星期日我就選擇左放棄一次出撃，而陪我媽。我都有不斷為佢哋今日出撃祈禱架！！

***** ***** ***** ***** ***** *****

原來康樂及文化事務處 ( 簡稱：康文處 ) 今日搞左個好大型既〝粵劇日〞喺尖沙咀，我去到見到好多好耐冇見既人，嘩 ~ 証明我幾耐冇喺粵劇界出現過。我覺得 ( 康文處 ) 今次搞呢個活動好好，當中既表演好好睇呀！啲攤位就好似麻麻 ( 離遠觀看的評語 ) ，我起初估今日既觀眾應該大多數都係公公婆婆，事實都係！不過令我更意外既係，見到好多小朋友囉！( 表演者 ) 原來而家越黎越多年輕人喜愛粵劇喇，而我？！就唔會喺佢哋當中嗰啲啦 ~
p.s：當時既我唔係參加者黎架！！

***** ***** ***** ***** ***** *****

眼見師傅身體人年比一年差，今次見佢個人又瘦削左，聽仙姐講師傅成日都話好累、瞓極都仲好想繼續瞓既時候，我突然間諗起阿ka曾經都講過呢句說話，所以令到我真係有點擔心師傅，佢老人家就快生日喇(12月17日)，希望佢健健康康啦。
p.s：以上講既師傅，並唔係Elsa。

〝衝突〞

- 係咪當大家互相更了解對方既時候，衝突就會接二連三咁出現架呢？！

- 問題係咪喺我度呢？係我唔夠明白佢？？唔夠了解佢？？定係我所做既每一件事，喺佢眼中都係錯？！都係唔啱？？

- 我可以忍受佢一次、二次咁話我，但我唔可以再忍受到第三次咁黎話我，有冇諗過我感受？！

- 之前Ripple同我講佢太依賴我喇，當時我既回應係「我都唔覺！互相幫助啫 ~ 」但而家我先發覺原來真係架！之後，我自己再慢慢諗番之前同佢一齊去做既每一件事，我發覺真正咁去明白左Ripple同我講既呢句說話喇 ~

〝新朋友〞

今日開組改左戶外打羽毛球，亦有幾位新朋友因為我哋今日改左去打波開組而唔黎，所以我借左呢個機會約佢哋去食T聯誼吓，因為我見佢哋都有心返小組，只不過咁啱今日既戶外活動唔係太識合佢哋，所以我因為呢個原故，我就冇同班組員一齊打波喇。
我突然間記起聖經路加福音中〝失羊的比喻〞：
「我告訴你們、一個罪人悔改、在天上也要這樣為他歡喜、較比為九十九個不用悔改的義人、歡喜更大。」(路加福音15：7)

同新朋友食T既過程好開心，大家都有分享自己既事，佢哋都係第一次見面，就好快咁熟落左，好感謝神呀，見佢哋都幾啱傾丫！可能佢哋全部都係中學生，又或者係因為全女班既問題啦？！如果主許可的話，我真係好想盡快為佢哋成立一組。

奮興恩賜服侍聚會

- 今晚去左沙福個聚會，有我、Pan、Duncan、Elsa、Haze、Howard、漢同埋我上星期六晚崇後認識既新朋友 Fio 都有黎到。

- 我覺得今次同上次泰國牧師既聚會好唔同，今次既感覺好平安、好舒服、有反省、有認罪、有悔改、有學到既野、各人亦有得著，對新朋友黎講個氣分都係好好。

- 今次啲詩歌都好正！！唔知係咪因為阿大領詩既問題呢？！好好呀！！

- 伍山河牧師講道好，大家都知架啦 ~ 所以都唔駛多講lu ~

- 好開心 Fio 喺聚會當中都有所得著，離開禮堂前，我都有為佢祈禱，真係好感謝神！

總結今晚既聚會，一個字講晒〝正〞！！

就黎成組喇 ~

今晚約左Elsa傾計，原本見佢係做抽離架！但之後都唔駛做lu ~

轉個話題先！

中學組就黎可以成組喇，但一諗到要同〝E學院〞班組員 say Bye，真係有唔開心架！我又要經歷一次離開自己小組，轉個角度睇 ... ... 又係好事既，起初加入〝E癲園〞既時候我係一個極度依賴人既組員、到而家我成為小組既實習組長、將來就會有自己既一組成為組長，呢啲過程睇表面係會有唔開心，但再睇深啲，其實我係不斷成長梗，係好事黎架！！所以短暫既唔開心係會有，但神就要我哋〝不斷成長〞丫麻！！

心血來潮的禱告

晚夜突然間好想為未來既中學組祈禱！！

開心程度爆燈

今朝我過馬路既時候，掙啲比車撞到，真係掙少少架炸！！好險？！
多謝爸爸！如果冇佢保護我，我而家就 ... ...

今日有四件好事發生左呀！
第一件事：我已經考到401喇 ~ 好開心呀！不過都仲未見Elsa同簽約，但我都已經好開心架喇！！
第二件事：阿Dick決定左加入〝E學院〞呢個家庭了，佢已經成為我哋既一份子喇 ~ 好歡迎佢呀，希望佢喺小組當中都有所得著及成長啦！
第三件事：wai wai 今日主動打電話比我，話要返小組同晚崇呀！我收到佢電話都好震驚，之後佢仲話比我知會返黎既時候，我真係開心到唔知講嘜，更加唔識點形容比大家知我當時既喜悅。
第四件事：受浸前見Elsa，yeah ~ 成功左！有得受浸喇 ~ ~ 呵 呵 ~ ~

今晚晚崇之後，我又識左兩個新朋友喇 ~ 好開心呀！



總結：我今日真係好感恩呀 ~ ~ 多謝爸爸！！

人？！就係咁 ... ...

原來當一個人唔係你身邊既時候，先真正知道咩叫掛住對方！
唔通真係要失去一啲野，人先會懂得去珍惜架咩？！
點解人就係咁喎？？

Panny 跌左落個圈套

今日下午1452收到我fd Panny既來電，我都唔知話佢慘好定抵佢死好，佢比佢啲fd呃左出去投年宵攤位，其實佢自己今年都唔想搞黎玩，但係 ... ... 唉 ~ 我都救佢唔到！聽佢講，佢哋投左旺角花墟，嘩 ~ 佢哋用左 HK$11,000.00 黎投呢個檔位，我覺得好貴呀 ~ 佢哋每人都要夾 HK$4,000.00 仲要係成班人事前都冇計劃過點做！唉 ~ 希望佢哋合作成功啦 ~ 不過，話晒Panny都係我個fd，我都唔想睇住佢死既！？咪為有幫到幾多咪幫囉！今次佢就真係唔知點報答我喇 ~ ？？哈 ~ 哈 ~

撞見阿錞

今日我早左收工，返工上水1830左右炸，就係咁啱係火車站閘口撞到阿錞，我同佢大家企喺度傾左成半粒鐘，好似有好多野都講唔完咁，真係好多野講，丫！預祝佢星期六成功考Q嘜先 ~ ！！

Dare 錞，
好開心聽到你同我講你既事，我都好感受到你呢排既心情，唔好灰心呀！我會為你祈禱架！將所有事都交比神啦！你一定得架，做好自己呀！！
p.s：期待第二次聆聽你的心聲！！

競投年宵攤位

係喎！今日開始港、九、新界陸續競投年宵攤位喎，唔記得左添！不過，今年都唔關我事丫，因為我今年都唔搞，諗番起之前連續三年都有搞，真係好開心、亦好難忘架！！今年唔搞，真係有啲遺憾！！

唔知咩病？！

本來今朝要返教會幫手派步行籌款既收據架！但我起身嗰時勁唔舒服，搞到我臨時推左阿華，真係好sorry ~

我今日就係呢個原因，全日喺屋企休息喇！

有喜有悲

今日約左加耀去食德食lunch，我去到食德見到威利同Elsa，粉嶺真係細！！哈 ~ 哈 ~

1500祈禱會，我有少少失望架，因為出席既人數好差呀(>.<") 只得我、阿漢同Elsa 3個人炸！但另一方面我又唔會灰心既，學Elsa講嗰句〝革命由少數人開始！〞丫麻。我為有繼續為祈禱會祈禱啦！

到左1600開組喇 ~ 好開心呀，今日小組邀請左兩個新朋友返呀，一個係我朋友阿Dick，另一個係我上星期六晚崇後認識既女仔阿恩，開組前我收到個消息，阿恩話返唔到黎小組，之後隔左冇幾耐，阿恩媽咪打電話比我，我同佢都傾左幾個字，都係圍繞住阿恩既事，同佢既擔心&心情，等佢心情平靜左一陣之後，我都迫住要同佢收線，因為我仲要開組，我唔想唔理我啲組員(我唔知呢個決定啱唔啱？！)，跟住我又收到阿恩來電，佢又話返梗黎lu ~ 成件事上面，其實都好感謝神，因為經過少少既波折，爸爸又將阿恩帶到返黎我哋小組當中。

今日小組到尾聲既時候，我哋成班組員一齊立志，一齊讀聖經、互相幫助、一齊成長！！Yeah ~

開完組之後阿Dick同阿恩都有同我哋一齊去食Dinner，但阿恩今晚就唔返晚崇喇 ~

唔講唔覺？！

喺剛剛過去既兩個星期，我潛左水呀！回顧番以前自己既所作所為，就連我自己都接受唔到自己，所以我好想收埋自己，我知道爸爸已經原諒左我，但係我原諒唔到我自己呢！我只知道一開始就係錯，如果我以前唔係不顧後果，做出一啲咁既事，而家既我就唔會又想重複再錯啦，喺呢段時間我控制唔到我自己，理性話我知咁做係錯，但感性就明知係錯都想去做。

31/10 ~ 4/11
我冇主動揾過任何人，有人揾我，我都好簡單快趣回應完就 Bye！我唔想同人溝通，但我一星期前約左既聚會，我冇cancalled到！因為係之前已經約定左，我唔想因為我既事影響到其他人，我相信唔會比情緒影響到個約會。

4/11晚
Unknown先生鬧醒左我，佢鬧完我之後，神又同我講左啲野，就係詩篇25篇，搞到我唔可以唔醒啦 ~ 即場醒晒！！

5/11 ~ 6/11
一起身我就對自己做左個決定，由今日開始1. 我要搞番清楚件事。2. 我要頭入番事奉。 3. 將我既精神同時間放晒喺工作、事奉、家人同埋班仔女身上。

5/11晚
今晚返晚崇，開頭比我既感覺好悶，因為我哋7：30pm已經返到 church ，原本我諗住今晚唔出擊架，但誤打誤撞又比我識到一個新朋友仔，好開心呀！爸爸，多謝你呀！我成晚都同個新朋友一齊坐，我第一次做陪坐(陪新朋友坐)架炸！我仲邀請左佢下星期六返小組呀！！我亦會同佢保持聯絡，希望到時能夠見到佢啦 ~

7/11 ~ 10/11
全程投入工作，所以我呢幾日都好忙！！

Dear Mr.Unknown 的關心

多謝你呢五日既關心，我都唔知點解會比你知道晒成件事，而家你知既野實在太多喇 ~ 你可能會對我有所改觀都唔定，我唔會介意。

有時我從你口中聽到啲我唔想聽到既說話，我真係會好嬲！我真係唔想你繼續講落去，點解你都仲要講？！

sorry 呀！你尋晚喺電話到同我講既野，其實我係聽唔入耳架，我亦冇入到腦，對唔住呀！我知你都係出於關心我、緊張我、唔想我跌落KM(簡稱)既圈套裡面，但我諗我呢段時間，係唔適宜聽呢啲說話架！sorry，anyway 點都好啦，多謝你呀！你放心啦，我識諗架喇，比啲時間我，你唔駛再擔心我喎，如果我真係有咩事第一個一定會揾你，因為你係第一個、亦係唯一一個知道件事既人。

為何又是這樣錯

為何又是這樣錯 --- 鄭秀文

可知我情投入那種程度
在這崎嶇的旅途 而你不可感覺到

心傷痛 從來未徹底流露
但你口中心裡各一套
我知你仍然在找更好
而在那半夜裡 恬靜裡
即使看見預告
前面有著那各自各的路

為何重頭又是這樣過 又這樣錯
深夜裡我哭泣靜待清早
當天我與你真的深愛過
今天我愛你又如何
為何又在傷害我 又感動我
麻木天真的愛慕
回憶裡都是你一哭一笑
是最美麗都不會老

可知道 人難受 痛苦程度
在這灰色的旅途
而你不可估計到

自己想點都唔知

尋日係公司勁忙！收工之後揾左好耐都冇見過既Potato chip出黎食飯兼癲番晚。同佢一齊癩真係幾開心既 ~ ！好似揾番自己癲既一面出黎咁。突然間我好想同佢講嗰件事... ...但我自己又唔想將件事話比任何人知，就連Potato chip咁好既朋友我都唔想講，好采，Potato chip冇怪我。
ps. Dear Potato chip, 你既提議我會考慮吓架喇，你比心機等吓啦 ~ 哈哈！


我尋晚同爸爸傾左好耐計，都係圍繞住件事，我應該點？！我知我心軟程度100滿的話，都有75 ，呢件事我唔會同任何人講，我諗我祇會同天父講！所以關心我既朋友 (包括Ripple、Potato chip 、mon) 真係好sorry呀！但都多謝你地既關心先，唔好介意我唔講件事比你地知呀！


我尋晚又四點幾五點先瞓喇 ~ (即今朝啦 ~) 仲瞓得少過尋日，原因？咪又係嗰個囉！其實我可以唔理佢，但我唔忍心。我今朝睇番佢send比我既sms，我真係唔知佢邊句真？！邊句假？！可能真、假對我黎講已經唔重要，亦可能我已經準備入進佢呢個圈套裡面... ...

慢性傷害 Jung & Bass Mix (國)

你對我很好　你不要以為我感覺不到但現在多美妙　
不代表將來都好 愛情只不過是一件外套
不一定會天荒地老
*我沒有說你不好　只是我真的要逃　
害怕看你的微笑　慢慢變成一把刀(I'm roadrunner)
*#愛是傷害　慢性傷害　不敢相信未來　
寧可放棄犧牲現在　愛是傷害　
我要離開　我又不會燒菜　
怎麼精彩　都變成忍耐　(忍耐　忍耐)
#不愛　你越能開越不自在 成功率越高越怕失敗
你是否愛上我的身材 十年後你就會離開
repeat*# (Rap)
真好彩　被你比我說得快好過親口說出來　
還好　我的面子還在你剛說了什麼　
呀...沒事只因為內疚而自言自語 只不過是　
不能解釋多麼心痛讓你離去
其實你永遠都會在我心中
在不在一起不比愛過你的負擔重
你跟本沒愛過 我每當我說　我愛你　你都不信　
只聽見不想煩惱　我不能留在你懷抱
不敢送抱　只怕給了你一切 你立刻逃跑或許太早　
也可能是我太驕傲 每段戀愛都像場感冒　我要早一點治好

repeat # #

我也不想這樣

好眼瞓呀 ~ 救命！！我瞓得4個鐘炸！！我原本2：10am已經瞓左架喇，但係2：28am就比我個朋友嘈醒左我，同佢傾計傾到4：00am先瞓，Sorry，應該叫做今朝，我有諗過唔瞓，同佢傾通頂架，但一諗到今日又要返工，我就要迫住cut斷同佢既對話，好無奈，Sorry呀！希望你體諒啦 ~

***** ***** ***** ***** *****

我知道我曾經係做錯過，仲錯得好大，我真係唔想一錯再錯！我知道如果我一應承既話，我就會做番以前既我，我唔想再錯呀！我真係好驚我會心軟，有好多事已經變左回憶，可唔可以唔好再發生之前既事呀？！

我 也 不 想 這 樣
作曲/編曲/監製:陳輝陽
作詞:林夕

情人太多　你愛得幾多個
換口味都不錯湯河出品
在你味覺內存在過　還敢追究什麼
情人再多　我卻非愛你王可
若你願瞞住仍然樂於扮傻
情敵會掠過　未來便更易過
難過是我的錯

*你也不想這樣　但別講出真相 　
各自纏你才會馨香 　
我放得開你最理想 　
要繼續受內傷　好過無法可分享

**我也不想這樣　利用自己的修養 　　
來求你　分開不堪設想 　　
如你　有歌請准我陪唱 　　
容忍兩把聲音不算太牽強

情人你好　你太好我也知道
就算做前隻　仍然值得自豪
如若你做到　日和夜各自抱
何以為我苦惱

repeat*

若我共他　同時被你熱愛
請你去證實兩位都不愛
遇上什麼隨時話愛就愛
這性格也未免精彩

repeat*　**

如果　多她一位會多一點愛
兩個人被憐愛　一點都不勉強