與神溝通的樂趣

今晚上祈禱二，小sir叫我哋搵個唔識既人一齊做一個練習，佢話唔可以揾識既人喎！？練習個名叫做〝靈觸筆記〞我就揾到大使命既Sandy做我對象。

之後我哋就一齊問爸爸有咩要同對方講？我起初驚我自己冇野寫到，但點知 ... ... 我哋祈完禱，一攞起支筆就唔停咁寫… …寫完之後，我自己重複睇一次，我開始懷疑我自己係咪寫梗我自己啲野出黎？！但我冇去質疑，是但啦 ~

當大家都寫完之後，咪交比對方睇囉！點知 ... ... Sandy話都講中左。我好開心呀！我覺得好神奇呀！至於Sandy寫比我既野都中晒呀！好勁！！佢寫比我既係，喺啱啱過左呢個半星期裡面，我曾經問過爸爸啲問題既答案。我當時真係唔可以相信！Sandy仲同我講，喺佢寫梗字既時候，佢feel到好光，佢覺得爸爸講成件事都係圍繞住我個心、同埋叫我唔好怕，佢一定會睇住我。

爸爸，當中你話左比我知喺我最失落、最無助既時候，你冇離開我！多謝你呀！！(^3^)

返到Home，我自己又再試過 ~ 好好呀！我用呢種方法寫左比兩個人，寫完之後我由頭到尾睇一次，我都唔明自己寫啲嘜！？但我都會照比番兩位當時人既 ~ 因為係爸爸有野同佢哋講丫麻 ... ...

好正呀 ~ ~ 喺呢件事上面，我又發現到一樣野，原來爸爸真係好想同我哋傾計架！！

多謝大家關心

我表面既傷勢已經好番喇 ~ 而家仲要比時間同心機，去醫治我心靈既傷！呢樣野我就真係唔知幾時先會醫得番好喇 ~ ？！

我以前係一個約左人之後有咩原因都唔會推既人→而家就會因為感覺唔想去就即刻推左唔去既人。以前唔會任性既我→而家就會好任性。我開始發覺自從918件事發生左之後，我變左，我覺得啲性格好似一個細路女，無時無刻都要有人呵護、有人錫(我意思唔係指男朋友)，我真係唔知點解會變成咁。究竟點解？？

Dear Unknwon,
我知你呢排好辛苦，對唔住呀！我唔知我可以點做？！我都好想我自己快啲可以好番，咁你就唔駛咁辛苦。我尋晚喺度諗，我可以點做你先唔會咁辛苦？！我做啲嘜先可以補償到你係呢段日子既付出？！但我最終都諗唔到個答案 … … Sorry ~ 我會努力去諗架喇！
Suki

我今日收到Ryan個mail，多謝你既關心呀！佢係mail裡面都送左一節經文比我：「凡仰望耶和華的人，你們都要壯膽，堅固你們的心！」(詩篇 三十一:24)希望你能夠「仰望神」吧！多謝你！

仰望我神

呢兩日我身邊啲朋友都同我講：「你好似好番好多囉喎？！」我原本都以為係！點知道 … … 原來一直喺我內心既傷口都冇好過，表面上我係冇事，但事實上我既心靈仍然都係咁痛、咁傷！

呢段時間我不斷同爸爸傾計，我一直都唔明，點解爸爸要我去經歷呢啲野？？點解唔比一啲安安全全、寧寧靜靜、開開心心既日子我？！

我知道爸爸呢排都不斷有比答案我，唔知道個答案係太深奧？？定係我唔想去明佢既意思！？

當我今晚靈修時，爸爸又比左節經文我，就係詩篇四十二章九節『我為何… …時常哀痛呢？！』當中爸爸話左好多比喻比我知，但重點唔係喺啲比喻到，爸爸只有一個目的，就係要我〝仰望神〞，我明白呀！我亦有咁做，但我真係有時我都控制唔到我自己既想法呀！！對唔住呀！

跟隨著聖靈而行

3：00pm 祈禱會
整個祈禱會進行得好順利，感謝神！當日有出席既弟兄姊妹係祈禱既時候，各人都有睇到圖像，感謝神，多謝袮一直既帶領！祈禱會去到尾聲既時候，我就為成個祈禱會做總結禱告，開始時我都知道自己講梗咩？但唔知點解，我好似越講越激動，我開始控制唔到自己所講既野！我好想放棄，但個一刻我唔可以咁做！所以我都要堅持落去。結果，都順利完成一個總結禱告！真係、真係要多謝爸爸！！

4：00pm 小組
今日小組中我負責查經既一部份，我都係今朝先準備查經既資料炸！！我冇嘜信心可以帶得好，點知？！到左我查經既時候，我班組仔同組女既反應真係好好，喺呢一刻，我覺得佢哋比我既反應即時變成了我既推動力。多謝你哋呀！我亦隨著聖靈而帶查經，令到整個查經部份進行得好好，我哋就係咁 ... ... 懷著開心、快樂、明白、了解既心情去完結左呢一部份喇 ~ 感謝天父！

經文

我唔知點解，自從發生左事之後，我個腦時不時都浮現歌林多前書二章九節的經文

1Co 2:9
如 經 上 所 記 、 『 　 神 為 愛 他 的 人 所 預 備 的 、 是 眼 睛 未 曾 看 見 、 耳 朵 未 曾 聽 見 、 人 心 也 未 曾 想 到 的 。 』

今日收到我個朋友 Evans E比我既 mail 當中都有題到呢節經文。

究竟係咪爸爸有野要話我知？？

定一話佢有野要同我講？？

... ... 我唔明呀！！我唔想諗喇 ~ Sorry 爸爸！

休養期

我既休養期由2005年9月19日至 ？ ？ (幾時？真係冇人知)

9月20日(二)
我原本決定左返工架，但唔知點解起身梳洗完之後，突然間唔想見到什何人，咁我就冇返工LU ~ 留左係屋企休養。

9月21日(三)
我今日有返工呀，但返到去都唔想做野，感覺好似好累咁。到左夜晚我媽又喺我個傷口上面加鹽，我好辛苦呀 ~ ~ 我真正感受到個心好痛，點解佢可以唔喺我既角度諗吓架！！人哋一次意外就可以將關係變好，但點解我一次意外，就唔可以將關係變得好，反而仲嚴重得很？！我真係好心痛。

9月22日(四)
我今日都有返工，我開始發覺，原來休養期間，唔但只係休養咁簡單，都會受到好多挫折，好辛苦 ~ 但我都要係呢啲痛苦身上學習，我相信爸爸與我同在！

Church 919活動

今日既活動其實係我一手策劃及統籌，我尋晚臨時叫左Timmy負責今日全日的事務。

原本我諗住唔會出現喺各弟兄姊妹面前架！但我又想出街吸啲新鮮空氣喎！所以我先決定返黎教會見吓我想見既人之麻！點知返到去，見到小sir我忍唔住同佢講左尋日所發生既事，我哋傾左好耐 ... ... 我終於係小sir面前釋放左13度既情緒，釋放完之後我都冇特別舒服左(我意思唔係話小sir幫唔到我，我係想講我既傷害太大同太深喇 ~ ) ，小sir比左個意見我，叫我揾多啲人去講番呢件事，我咁樣做，先可以揾到我真正既源頭，咁先可以醫到我。

到活動開始既時候，我一直都係做幫手嗰個都冇嘜野丫，但一到左BBQ我就有好強烈既感覺唔想去接觸人，我知咁做係唔啱，但我真係唔想去面對人群。第二個原因係我唔想食野，可能對我黎講食野都有困難。之後就同Duncan坐埋一邊傾計！

到目前為止我要多謝下列人士對我既關懷：小sir、Elsa、Timmy、Celia、Duncan、Mon、Maggie、Pak、Evans、Helen、Sum、Pan 、同我家姐啲朋友 ... ...
我呢段養傷及康復期真係、真係好多謝你哋，因為〝沿途有你 ... ... 哋〞呀！！
Thanks ~

畢生難忙的中秋節

今日係農曆八月十五日
下午4：00pm左右發生左件事，傷害左我心靈同肉體。呢段時間無論係心或身，都係我既係養傷期，我有好多野都要去醫治同面對。暫時我真係冇辦法企得番起身 ~ Sorry, 原諒我吧！

祈禱改變甚麼？

我收到一個朋友的e-mail，我睇完之後好想同大家分享一吓！

很想跟您分享一位女西醫談祈禱的這番話：
我有個病人情況危急，癌症專家告訴他「一切已盡了人事，不如你開始祈禱吧。」這位醫生心目中以為祈禱是試過所有方法之後不得已的最後嘗試，自己認輸了，才轉介給天主。

不過，祈禱並非是我們要心想事成的一種手段，好像按電視機遙控掣，即時改變畫面那樣。我認為祈禱往往不是為了自己所迷戀上了的事物，反而是為了放下迷戀的執著。祈禱可以令我們超越恐懼——恐懼正是一種迷戀。祈禱可以幫助我們明白世事的本質、人生的真諦，不是智性的層面，而是深入的體驗。我們祈禱時，不會改變世事，卻會改變自己，我們的意識改變了，本來只顧自己，孤立地考慮個人的事，祈禱之後在最深的層次駁上了最偉大的現實，於是「你如何康復？」這個問題不再是講怎樣把病醫好，而變成了奧秘的一回事。

我們祈禱，就是放下了自傲與個人的關懷，不再只顧自己，不再嘗試控制生命，反而想起了原來一切都是生命所掌管的。祈禱是個機緣，教人體驗謙卑，承認上天恩寵臨在。

最強力的祈禱，往往是最簡單的。有一次我自己要接受手術，躺在手術室的床上等候麻醉師駕臨，替我開刀的其中一位醫生忽然握著我的手，問我要不要跟他全隊手術人員一起祈禱，我驚詫起來，就點點頭。他於是召集全隊人圍在手術床旁邊，靜默一陣，再說：「願我們幫忙做出最應該發生的事。」

那是最先進高科技的環境，那位醫生給了我最誠摯的安慰，我即時憂慮全消，躺在那裡內心深感非常平安。

祈禱令我們放下執著，欣賞奧秘。以前我不斷為病人祈禱，現在我也為自己祈禱，祈求自己得以更慈悲、更謙卑，我知道人力有限，永不可能知道自己能否醫得好人，為甚麼會如此，現在我祈求自己做的事有神聖的意義，雖然是怎麼一回事暫時不會明白。有時病人來到之前，我送上無言的禱告，我不可能瞭解他的苦難或我會為他做出甚麼，只是提醒自己：我在這裡，用我吧。

唔知開心定唔開心

今日3：00pm既祈禱會進行得好正！當為到阿Ka同E癲園既園友祈禱既時候，唔知點解我啲眼淚就出左，雖然人數唔多，但我相信有出席既弟兄姊妹，喺呢次祈禱會當中各人都有所得著同學習。亦希望喺之後既祈禱會都仍然繼續見到你哋同其他E癲園既園友。祈禱真係要操練架，大家比心機呀！！

到左4：00pm要開組喇 ~ 我第一次自己一個人去帶成個組炸！因為Timmy唔得閒返小組呀，原來要帶一個組真係唔容易(辛苦Timmy)，個種感覺真係唔同我以前做P.A嗰時開嗰啲組，真係好大分別呀，但都好感謝神與我同在！

今晚係梁牧師講道，題目係〝一根刺、三層天、奇妙恩典〞，佢係篇道當中講左個發生喺佢身上既例子，我曾經都係同梁牧一樣，呢一刻我唔知點解眼有淚光，我諗番我既故事 ... ... 我都係不繼同爸爸講，我喺某個事奉上面做得唔好，但爸爸同我講『女兒，你已經做得好好架喇！』但我都係仍然同爸爸講係我做得唔好，我冇信心去做第二次，不過我知道一定會有第二次。崇拜完左之後，我唔知點解突然間好想為我徒弟阿Sum去禱告，之後我都捉住佢為佢祈禱。

忙......都好既 ~

嘩 ~ 我都有成個星期冇寫日記喇，各位姊妹+兄弟，真係對唔住呀 ~ 請大家原諒我啦。
呢個星期無論係公事、私事定教會事，我都好忙呀。
公事就係 ... ...
1. 都係個啲啦 ~
2. 9 月份內我老闆娘又有10日唔會喺香港喎，所以又要做死我喇！(>.<)"
私事就係 ... ...
1. 我媽咪的的問
教會事就係 ... ...
1. 籌備919 Party 的事
2. 十二月福音月製作的事
3. 處理 Missions Lmage 內部問題

喺呢度同大家分享一件事 ~
我信主咁耐，我都有不斷為我媽祈禱，當中我有好多次想放棄既時候，但我都好多謝我身邊一班朋友包括 Evans、Mon、Unknwon、Pan ... ... (如我冇講到你，敬請原諒！) 如果冇左佢哋，我真係放棄左為我媽祈禱好耐。

啱啱過左既星期日唔知點解，我聽完我媽講佢工作上面所遇到既困難同唔開心既事之後，佢就行開左一陣，我即時暗地裡為她祈禱，我唔知點解一邊為佢祈禱既時候，我啲眼淚就不斷唔受控制咁流出黎，同埋有種感覺好似感受到佢而家所受梗個種氣同壓力，種感覺好大壓迫感，我唔識點形容。


唔知爸爸係咪喺我同我媽之間開始做梗野呢？？