出擊

我之前已經決定左，今晚崇拜完左之後會同Elsa〝出擊〞主動去認識新朋友，但最終我離棄左Elsa，自己走左去識新朋友。對我自己黎講，我覺得自己對新朋友既表現唔係咁好，可能係我要求高啦！不過我已經覺得自己有進步架喇 ~ 起碼我肯主動〝出擊〞先啦！係咪？？我要再接再厲，有要求先有進步丫麻？！yeah ~

做決定真係好辛苦

點解我今晚會講左咁多野比佢知？！我連唔想講既野都講埋，點解會咁架？？飲大左？？唔係丫！發生梗咩事呀？？

能夠答嗎？

1. 面對逆境，你會如何面對？

2. 凡事都是『以為』，點解唔了解清楚呢？

決定放大假了

我終於忍唔住喇 ~ 我決定要請假休息，長則一個星期，短則兩至三日。我暫定會放8月7、8、9號，可能會再繼續放都唔定！我放假途中多數都唔會離開香港！大家可以繼續揾我傾心事同吹水。我好樂意陪大家，祇要你心中有我，就可以了 ~

感謝神

好開心，我8月頭可能會連續放幾日假休息番一段時間，感謝神。
今晚，我同阿Sum做門訓，我知道佢係有好大既決心去學習同成長，而我亦都希望可以幫到佢！神呀,希望你一直帶領住阿Sum去成長，可能係呢一刻，佢對自己冇嘜信心可以做到人哋既師傅，但都希望有你喺佢身邊一直帶領同扶持住佢，以上禱告，奉主耶穌基督的名字祈求，阿門！
我今晚睇到荒漠金泉，睇到段經文〝我所作的，你如今不知道，後來必明白〞(約13:7)
呢段經文回答左我星期六個晚靈修既時候，問爸爸既一條問題，當晚爸爸比任何答案我，只係〝你瞓啦！〞但係我唔肯聽佢話！我不斷問佢；佢不斷叫我瞓！我最終都係冇答案地 ... ... ... ... ... 瞓 著 左 z Z z Z z Z z ！不過都開心既 ~ 因為佢都會比番個答案我。多謝你呀！

終於放假

雖然我今日放假，但都好早起左身！今日過左301好開心，但又擔心自修401 . . . . . .
我今日真正感覺到放假既感覺喇，好舒服呀 ~ 今日真係放底左好多野(只係今日)，我叫自己盡情享受吧！

第一次被聖靈充滿

好奇怪，晚崇既敬拜詩歌我冇感動，一向都祇得詩歌能觸動到我，但今晚冇呀，不過唐牧講道同回應詩歌就有喇 ~ 之後我都出左去按手祈禱，感覺好正！第一次被聖靈充滿，好難形容！總之就好好啦 ~
e癲園有我、Pan、Celia、Cherie......都有被按手祈禱！我地每個人都有不同既聖靈充滿！我地四個大家都有互相分享。好正！
有機會再同大家分享！！

p.s：聖靈真係好溫柔！！

今天的金句

我不要傷過後，才會懂得珍惜！！

告一段落

今朝又有突發事喇 ~ ~ (>.<") 我好驚呀 ~ 我不住地同爸爸講我既感受。我真係好唔希望咁囉！點解人生裡面親情、友情、愛情、生活、工作都要有咁太既波折架啫？！ 過埋今日之後希望可以見到陽光啦 ~ 喺呢幾日裡面都好多謝Ripple、Unknown、Samuel、Billy一直咁安慰我同幫我，可能我將工作既事太上心啦 ~ 我就連放左工都擔心批貨。太大壓力喇 ~ 我而家真係好想放假，好想休息一段時間！但一諗到......如果我放假，咁公司啲野咁點？？

形容工作近況的7個字

呢幾日因為工作既事，令我自己既情緒起伏得好快，心情好難安穩！我只有7個字黎形容近日做野既自己！

【 日日新鮮日日甘 】

大鍋

我今朝 9:37am 返到公司就開始做野，其實我係返 10:00am 架！Ripple都話我〝你好似仲未返工個播 ~ 你咁快就做野，你係咪 ot 比阿姨(老闆娘)呀？？〞其實我都唔想 ot ，但我收到一個消息，令到我唔 ot 都唔得！原本尋日有批貨要由中山到香港，點知中山啲同事遲左出貨，要等今日先可以過到黎香港。
到左今日，我一朝早收到個消息，就係啲貨比海 關扣起左！當時我驚啲貨走唔到，因為都好趕住要寄過西班牙交比客人。好采，下午都可以黎到香港。當我可以放底呢件事之時，又有另一件事發生！就係批貨張產地來源証做錯左，我真係唔知佢地點樣做野！！我好嬲呀 ~ ~ (>.<") 但我要包容同接納！！
我食飯之前又要入倉做野，做到 1:15pm 左右先食 lunch 之後又繼續做，做到差唔多 3:00pm 到我就要趕出去做野！我離開公司之前，其實我放唔底公司內既工作！因為我好擔心批貨，我好驚交唔到貨比船公司，但無奈我一定要走，終於我掙扎到 3:15pm 先真正出門口。嘩 ~ 好熱、好晒、好辛苦、好攰、救命！！
我今晚好開心呀 ~ 我同媽咪一齊出街食飯呀！喺食飯途中我講左一個《屎、尿、屁》既比喻，令到我同媽咪都笑到唔停！

p.s
To：Mr.Unknown
其實《屎、尿、屁》既比喻唔係咁重要，最重要既係背後的意思！！
你要明白呀 ~

又開始爆忙的工作

其實工作是忙碌好？！定還是休閒好？！
對我黎講，我覺得忙碌總比休閒好好多，但如果忙碌中又有太多波折，我就會覺得太煩了 ~

我一向既工作都要同中山啲同事溝通，我同佢哋合作得多左，開始覺得佢哋有好多野都唔識變通，有時對住佢哋都唔知係好嬲定好笑！

壓力

上個星期我喺公司爆多野做，好忙！亦導致我成個星期都胃痛同食唔到野的原因！我上星期不段為呢件事祈禱，我知道我胃痛一定唔係食錯野，因為我都食唔落，又何來食錯野呢？？至於胃痛我知係工作壓力！原來做野既時候真係唔知咩叫壓力，但壓力已經出現左喺我身上。就連我自己都唔知道！直至我有個朋友同我講〝你胃痛其實係咪你有壓力呀？！〞當時我第一時間就諗到〝係喎！工作壓力！〞之後我先知道原來答案早已經出現左，係我冇留意到啫！！在此，我都要多謝我個朋友 Mr. Unknown 多謝你既提醒！！Thanks ~

到左呢個星期我好開心呀 ~ 一來，工作冇咁忙啦 ~ 二來，我老闆娘成個星期祇係得星期三既其中3個鐘頭喺公司！自然就少左好多壓力啦 ~ 回顧番成個星期我既胃痛都少左，但都仲有痛囉！不過都好好架喇 ~ ~ 我相信係神既安排！爸爸，你係聽到我同你講野架！多謝你呀 ~

我的新日記

好開心我開左個日記，希望大家多多睇我日記啦 ~

半年時間太充實

今晚見完師傅之後，將一向都冇目標的我，在往後半年內都有好大的目標！( 好忙、好多野做！好開心！yeah！)
其實背後的意思係〝我要在各方面成長！〞
我一定得架！！哈 ~ 哈 ~ 哈 ~

感恩

今晚靈修既時候我見到一個片段，我見到我自己跪左喺度祈禱，但隔離有一隻大頭怪物。開頭我都冇嘜野，我見到自己好專心咁祈梗禱，只係一直留意住隻大頭怪物，我感覺到隻大頭怪物想傷害我，我好驚！我即時就好大聲同爸爸講〝我好驚呀 ~ 我唔想見到佢呀！〞我連續講左兩次之後，個片段就開始唔清楚直至睇唔到！
我覺得依次靈修比左兩個答案我！1. 天父成日都會喺我身邊保護我。2. 無論幾小既事，爸爸都會聽到架！
好開心，又一次既領受！多謝你呀,爸爸！
(主愛大能)